4 ماۋسىم, 13:37 46831 0 ساياسات انار لەپەسوۆا

داريعا نازارباەۆانىڭ نەمەن اينالىسىپ جۇرگەنى بەلگىلى بولدى

سەناتتىڭ بۇرىنعى سپيكەرى داريعا نازارباەۆا قازاقستاننىڭ جاستار كونگرەسىنىڭ توراعاسى قىزمەتىن اتقارىپ ءجۇر.

بۇل اقپاراتتى ۇيىم قىزمەتكەرى راستادى، دەپ حابارلايدى Sputnik قازاقستان.

ء"يا، داريعا نۇرسۇلتانقىزى قازاقستان جاستار كونگرەسىن باسقارۋدى جالعاستىرىپ جاتىر. جاقىندا كونگرەسس توراعاسى جۇمىسقا بايلانىستى جينالىس وتكىزدى. ول جەردە كونگرەستىڭ جۇمىس جوسپارى مەن وتكەن جىلداعى قىزمەتىنىڭ قورىتىندىلارى تالقىلاندى", - دەدى Sputnik قازاقستان تىلشىسىنە جاستار كونگرەسى اتقارۋشى ديرەكتورىنىڭ ورىنباسارى اسەم مادەكەشوۆا.

قازاقستان جاستارى كونگرەسى تۇڭعىش پرەزيدەنت نۇرسۇلتان نازارباەۆتىڭ يدەياسىمەن قۇرىلدى. رەسپۋبليكالىق جانە حالىقارالىق دەڭگەيدە تابىستى جۇمىس ىستەيتىن ەلدىڭ جاستار بىرلەستىكتەرىنىڭ ەڭ ءىرى ۇيىم بولىپ سانالادى.

داريعا نازارباەۆا قازاقستان جاستار كونگرەسىن 2016 جىلدان باستاپ باسقارادى.

ول 2016 جىلدىڭ 13 قىركۇيەگىنەن باستاپ پارلامەنتتىڭ جوعارى پالاتاسىنىڭ دەپۋتاتى بولدى. 2019 جىلدىڭ ناۋرىزىنان 2020 جىلدىڭ مامىرىنا دەيىن سەنات توراعاسى قىزمەتىن اتقاردى.

2020 جىلدىڭ ەكىنشى مامىرىندا قاسىم-جومارت توقاەۆتىڭ جارلىعىمەن سەنات سپيكەرى داريعا نازارباەۆانىڭ دەپۋتاتتىق وكىلەتتىگى مەرزىمىنەن بۇرىن توقتاتىلدى.

 

سوڭعى جاڭالىقتار