4 ماۋسىم, 14:40 479 0 ءبىلىم انار لەپەسوۆا

ۇبت قالاي وتەدى؟

سۋرەت عالامتوردان الىندى
سۋرەت عالامتوردان الىندى

پرەمەر-مينيستر اسقار ءماميننىڭ ءتو­را­­عالىعىمەن ءوت­كەن ۇكىمەتتىڭ سە­لەك­­تور­لىق وتى­رى­سىن­­دا ۇلت­تىق ءبىرىڭ­عاي تەس­تى­لەۋدى جاڭا جاع­دايدا وتكىزۋگە دا­يىن­­­­دىق ءما­سەلەسى قا­رال­­دى.

ۇلتتىق بىرىڭعاي تەس­تىلەۋ وسى جىلدىڭ 20 ماۋسىمىنان 5 شىلدەسىنە دەيىن وتكىزى­لەدى. وعان 131 مىڭنان استام وقۋشى نەمەسە بىلتىرمەن سالىستىرعاندا 12 پايىزعا كوبىرەك (117 مىڭ) وقۋشى قاتىسادى. ۇبت-نى وتكىزەتىن 161-گە جۋىق پۋنكت، 1 200-دەن استام اۋديتوريا دايىندالدى، قادامدىق نۇسقاۋلىق قابىلداندى.

ۇبت ءداستۇرلى تارتىپتە، الايدا سانيتارلىق-ەپيدەميو­لو­گيالىق تالاپتاردى قاتاڭ ساقتاي وتىرىپ وتكىزىلەدى. وسىلايشا، كوروناۆيرۋس ينفەكتسياسىنىڭ تارالۋ قاۋپىن ازايتۋ ءۇشىن 5 زالالسىزداندىرۋ شاراسى قولدانىلادى. اتاپ ايتساق، تەست تاپسىرۋشىنىڭ دەزينفەكتسيالاۋ توننەلى ارقىلى ءوتۋى، اياق كيىمدى ارنايى دەزينفەكتسيالاۋشى كىلەمشەدە وڭدەۋ، قولدى سانيتايزەرمەن تازالاۋ، تەمپەراتۋرانى ولشەۋ، ءبىر رەت قولدانىلاتىن ماسكا ۇسىنۋ. ۇبت وتكىزۋ پۋنكتتەرىنە كىرۋ ءتارتىبى بويىنشا تەست تاپسىرۋشىلار ارا­سىنداعى اراقاشىقتىق كەمىندە 2 مەتردى قۇرايتىن بولادى.

«بارلىعى تىنىش جاعدايدا ءوتۋى كەرەك، تۇلەكتەر نازارىن تەك تەستكە اۋدارۋى ءتيىس. ءداستۇرلى تۇردە اتا-انالار ءۇشىن تەستىلەۋدىڭ ونلاين تاراتىلىمىن ۇيىمداستىرۋ كەرەك. وسىلايشا، ۇبت ۇدەرىسىنىڭ اشىقتىعى مەن ايقىن­دى­لىعى قامتاماسىز ەتىلەدى»، — دەدى ا. مامين.

ۇكىمەت باسشىسى ءبىلىم جانە عىلىم، دەنساۋلىق ساقتاۋ، ىشكى ىستەر مينيسترلىكتەرىنە جانە وڭىرلەر اكىمدىكتەرىنە ۇبت-نى ساپالى وتكىزۋدى جانە سانيتارلىق تالاپتاردىڭ مۇلتىكسىز ساقتالۋىن قامتاماسىز ەتۋدى تاپسىردى.

اقپارات جانە قوعامدىق دامۋ مينيسترلىگىنە ۇبت-نى قازىر­گى جاعدايدا وتكىزۋ بويىنشا كەڭ اۋقىمدى اقپاراتتىق-ءتۇسىندىرۋ جۇمىستارىن جۇرگىزۋ تاپسىرىلدى.

 

ءا.بايبول

سوڭعى جاڭالىقتار