3 ماۋسىم, 16:08 444 0 جاڭالىقتار اسىل تۇمار

پسيحوتروپتىق زاتتاردى ساتۋمەن اينالىسقان ەمحانا قىزمەتكەرى ۇستالدى

سۋرەت عالامتوردان الىندى
سۋرەت عالامتوردان الىندى

شىعىس قازاقستان وبلىسىندا پسيحوتروپتىق زاتتاردى ساتۋمەن اينالىسقان ناركولوگيالىق ەمحانا قىزمەتكەرىنە قاتىستى قىلمىستىق ءىز قوزعالدى، – دەپ جازدى قازاقپارات.

شقو پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ناشاقورلار مەن ىشىمدىككە بەرىلگەن ادامداردى وڭالتۋمەن اينالىساتىن جەكەمەنشىك ەمحانا قىزمەتكەرىن قولعا ءتۇسىردى. 26 جاستاعى ەر ادام پسيحوتروپتىق زاتتاردى زاڭسىز ساتىپ، پايدا تاپقان.

«كۇدىكتىنىڭ كولىگىن ءتىنتۋ بارىسىندا تەرگەۋشىلەر بىرقاتار پرەپاراتتى تاپتى. سونداي-اق ونىڭ جۇمىس ورنىنان پسيحوتروپتىق زاتتار تاركىلەنىپ، ساراپتاماعا جىبەرىلدى. قازىرگى ۋاقىتتا ءتارتىپ ساقشىلارى سوتقا دەيىنگى تەرگەۋ امالدارىن جۇرگىزۋدە»، – دەيدى دەپارتامەنت باستىعى، پوليتسيا پولكوۆنيگى ساعات ماديەۆ.

سوڭعى جاڭالىقتار