2 ماۋسىم, 18:47 531 0 جاڭالىقتار اسىل تۇمار

پرەزيدەنت پارلامەنتتىك وپپوزيتسياعا قاتىستى زاڭعا قول قويدى

قر پرەزيدەنتى قاسىم-جومارت توقاەۆ پارلامەنتتىك وپپوزيتسيا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى زاڭعا قول قويدى، – دەپ حابارلايدى اقوردانىڭ ءباسپاسوز قىزمەتى.

«مەملەكەت باسشىسى «قازاقستان رەسپۋبليكاسى پارلامەنتىنىڭ كوميتەتتەرى مەن كوميسسيالارى تۋرالى» قازاقستان رەسپۋبليكاسىنىڭ زاڭىنا پارلامەنتتىك وپپوزيتسيا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. زاڭنىڭ ءماتىنى باسپاسوزدە جاريالانادى»، – دەلىنگەن حابارلامادا.

ەسكە سالا كەتسەك، 28 مامىردا سەناتتىڭ جالپى وتىرىسىندا «قر پارلامەنتiنiڭ كوميتەتتەرi مەن كوميسسيالارى تۋرالى» زاڭىنا پارلامەنتتىك وپپوزيتسيا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» زاڭى قابىلدانعان ەدى.

زاڭ جوباسى قازاقستان رەسپۋبليكاسى پرەزيدەنتى قاسىم-جومارت توقاەۆتىڭ بىلتىر 20 جەلتوقساندا ۇلتتىق قوعامدىق سەنىم كەڭەسىنىڭ وتىرىسىندا پارلامەنتتىك وپپوزيتسيا ينستيتۋتىن زاڭنامالىق بەكىتۋ تۋرالى تاپسىرماسىن ورىنداۋ ماقساتىندا دايىندالدى.

سوڭعى جاڭالىقتار