30 مامىر 2020, 18:03 4648 0 ايماق انار لەپەسوۆا

پوليتسيا قىزمەتكەرلەرى كارانتين كەزىندە تويحانادا كوڭىل كوتەرگەن (ۆيدەو)

الەۋمەتتىك جەلىلەردە كارانتين شەكتەۋلەرىنە قاراماستان جەتىسايداعى تويحانادا كوڭىلدى باس قوسۋ ۇيىمداستىرعانداردىڭ ۆيدەوسى تارادى.

وسىعان بايلانىستى تۇركىستان وبلىستىق پوليتسيا دەپارتامەنتى پىكىر ءبىلدىردى، دەپ حابارلايدى  قازاقپارات.

جەلى وقىرماندارى كوڭىلدى وتىرىستىڭ كوركىن قىزدىرۋشىلاردىڭ اراسىندا تۇركىستان وبلىسىنداعى قۇزىرلى ورگان وكىلدەرى مەن شىمكەنت قالاسىنىڭ پوليتسيا دەپارتامەنتى قىزمەتكەرلەرى بار ەكەنىن جارىسا جازعان.

تۇركىستان وبلىستىق پد ءباسپاسوز قىزمەتىنىڭ جەتەكشىسى سالتانات قاراكوزوۆا وتىرىستىڭ بيىل 24 مامىر كۇنى بولعانىن راستادى. ونىڭ سوزىنشە، وسى تاراتىلعان ۆيدەوعا بايلانىستى جەتىساي اۋداندىق پب ارنايى تەكسەرۋ شارالارىن جۇرگىزگەن.

سونىڭ ناتيجەسىندە وتىرىستىڭ جەتىساي قالاسىنداعى مەيرامحانالاردىڭ بىرىندە وتكەنى بەلگىلى بولدى. شىمكەنت قالالىق پوليتسيا دەپارتامەنتى قازىرگى ۋاقىتتا وسى ۆيدەوعا قاتىستى تەكسەرۋ شارالارى جۇرگىزىلىپ جاتقانىن ءمالىم ەتتى.

;feature=emb_logo

سوڭعى جاڭالىقتار