30 مامىر, 10:06 697 0 جاڭالىقتار انار لەپەسوۆا

COVID-19: برازيليادا ەكى انتيرەكورد تىركەلدى

برازيليادا وتكەن تاۋلىكتە 26 417 ادامنان كوروناۆيرۋس انىقتالدى. مۇنداي كورسەتكىش بۇعان دەيىن الەمنىڭ ەشبىر ەلىندە تىركەلگەن ەمەس.

مەملەكەت ءبىر تاۋلىك ىشىندە تىركەلگەن ءولىم سانى جونىنەن دە انتيرەكورد ورناتتى. ءبىر كۇندە 1156 ناۋقاس كوز جۇمعان.

بۇگىندە برازيليادا كوروناۆيرۋسقا شالدىققاندار سانى جونىنەن الەم بويىنشا اقش-تان كەيىنگى ەكىنشى ورىندا. ەلدە قاتەرلى ۆيرۋس جۇقتىرعاندار قاتارى 465 مىڭنان اسىپ جىعىلدى. ىندەتتەن 28 مىڭعا جۋىق ادام قايتىس بولدى.

مامانداردىڭ ايتۋىنشا، شىنايى كورسەتكىش بۇدان الدەقايدا جوعارى بولۋى مۇمكىن. ويتكەنى ەل تۇرعىندارىن تەستىلەۋ جۇمىستارى ماردىمدى ەمەس.

ايتا كەتەيىك، دجونس حوپكينس ۋنيۆەرسيتەتىنىڭ سوڭعى دەرەگى بويىنشا الەمدە 5 924 275 ادام كوروناۆيرۋس جۇقتىرعان.  پاندەميا باستالعالى دۇنيە جۇزىندە 465 166 ناۋقاس كوز جۇمدى.

ال قازاقستاندا سوڭعى تاۋلىكتە 450 ادامنان كوروناۆيرۋس انىقتالىپ, ىندەت جۇقتىرعانداردىڭ جالپى سانى 10382-گە جەتتى. ىندەت قۇرباندارىنىڭ سانى – 37.

سوڭعى جاڭالىقتار