29 مامىر, 18:29 520 0 ايماق انار لەپەسوۆا

سەل سەرگەلدەڭى: ب.وتەمۇراتوۆتىڭ قورىنان ەلتايلىقتارعا 50 مىڭ تەڭگەدەن بەرىلەدى

شىمكەنت ىرگەسىندەگى سەلدەن زارداپ شەككەن اۋىل تۇرعىندارىنا بولات وتەمۇراتوۆتىڭ قورىنان 50 مىڭ تەڭگەدەن ءبولىندى.

اتاپ ايتقاندا، تاسقىن سۋ شايعان ەلتاي اۋىلىنداعى 91 وتباسى مۇشەلەرىنە قور اتىنان 26 ملن 500 مىڭ تەڭگە بەرىلدى، دەپ حابارلايدى قازاقپارات.

اتالعان شارا قالالىق توتەنشە جاعدايلار دەپارتامەنتىنىڭ باستاماسىمەن ۇيىمداستىرىلعان. دەپارتامەنت قىزمەتكەرلەرى تاسقىننان زارداپ شەككەن ەلدى مەكەندەگى جاعدايدى باعالاپ، ۇيلەرىن سۋ شايعان وتباسىلاردى انىقتاعان بولاتىن.

قازاقستاننىڭ قىزىل جارتى ايى قوعامدىق قورىنىڭ وكىلدەرى ەلتاي اۋىلىنىڭ 530 تۇرعىنىنا 50 مىڭ تەڭگەدەن بەرىپ، اقشا سالىنعان بانك كارتالارىن تابىستادى. قالاداعى كارانتيندىك شارالاردى ەسكەرە وتىرىپ جانە ادامداردىڭ جاپپاي جينالۋىن بولدىرماۋ ءۇشىن كومەك كارتالارى زارداپ شەككەن وتباسىلارعا اۋلالاردى ارالاۋ ادىسىمەن جەكە قولعا بەرىلدى.

بولىنگەن قاراجات ادامدارعا ءوز مۇلىكتەرىن ءىشىنارا قالپىنا كەلتىرۋگە، سەل تاسقىنى كەزىندە بۇلىنگەن زاتتاردى اۋىستىرۋعا جۇمسالماق. سونداي-اق، تۇرعىن ءۇيدى جوندەۋ ءۇشىن قۇرىلىس ماتەريالدارىن ساتىپ الۋعا جانە قاجەتتى ونىمدەر مەن تاۋارلاردى ساتىپ الۋعا جاراتىلماق.

 

سوڭعى جاڭالىقتار