29 مامىر 2020, 17:13 1149 0 مادەنيەت انار لەپەسوۆا

ەلىمىزدە كينوتەاترلار قاشان اشىلادى − كوميسسيا شەشىمى

بۇگىن پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا حالىق پەن مەملەكەتتىك ورگانداردىڭ ۇسىنىستارىن ەسكەرە وتىرىپ، ەلىمىزدە شەكتەۋ شارالارىن تومەندەتۋ بويىنشا قوسىمشا شەشىمدەر قابىلدادى.

بۇل تۋرالى ۇكىمەت باسشىسىنىڭ رەسمي سايتىندا حابارلاندى.

2020 جىلعى 1 ماۋسىمنان باستاپ:

1) وڭىرارالىق بلوك-بەكەتتەر الىنادى. باس مەملەكەتتىك سانيتارلىق دارىگەرلەر مەن وڭىرلەر اكىمدىكتەرىنىڭ شەشىمى بويىنشا كوروناۆيرۋستىڭ تارالۋ وشاعى بار ايماقتاردا جەرگىلىكتى بلوك-بەكەتتەر ساقتالۋى مۇمكىن.

2) قازاقستاننىڭ وبلىس ورتالىقتارى مەن ءىرى قالالارىنا تەمىر جول تاسىمالدارى، سونداي-اق وڭىرارالىق اۆتوبۋس جولاۋشىلار تاسىمالدارى قايتا جاڭعىرتىلادى.

جولاۋشىلاردى تاسىمالداۋ قاتاڭ تۇردە دەنساۋلىق ساقتاۋ مينيسترلىگىنىڭ بەكىتىلگەن سانيتارلىق تالاپتارىنا سايكەس جۇزەگە اسىرىلادى.

تەمىرجول جانە اۆتوۆوكزالداردا بەكىتىلگەن تالاپتاردىڭ ورىندالۋى ىشكى ىستەر مينيسترلىگىنىڭ قىزمەتكەرلەرىنىڭ باقىلاۋىندا بولادى.

3) فيتنەس جانە SPA ورتالىقتارىنىڭ قىزمەتى قايتا جاندانادى;

4) سپورت جانە مادەنيەت وبەكتىلەرى كورەرمەنسىز جۇمىس ىستەي باستايدى.

5) بالالاردىڭ مەكتەپكە دەيىنگى مەكەمەلەرىنىڭ، قوسىمشا ءبىلىم بەرۋ ۇيىمدارىنىڭ ء(بىر توپتا 15 بالادان كوپ ەمەس), عىلىمي-زەرتتەۋ ينستيتۋتارىنىڭ جانە عىلىمي ورتالىقتاردىڭ جۇمىسى ىسكە قوسىلادى.

2020 جىلدىڭ 15 ماۋسىمىنان باستاپ سانيتارلىق تالاپتاردى ساقتاعان جاعدايدا كينوتەاترلاردىڭ جۇمىسى قايتا قالپىنا كەلتىرىلەتىن بولادى.

سونىمەن قاتار بىرقاتار ەلدەردە سانيتارلىق-ەپيدەميولوگيالىق جاعدايدىڭ تۇراقتالۋىن ەسكەرۋمەن، ۆەدومستۆوارالىق كوميسسيا مەملەكەتتىك ورگاندارعا حالىقارالىق اۋە رەيستەرىن كەزەڭ-كەزەڭمەن جاڭعىرتۋ ماسەلەسىن پىسىقتاۋدى تاپسىردى (ى كەزەڭ اياسىندا وڭتۇستىك كورەيامەن، قىتاي حالىق رەسپۋبليكاسىمەن، ازەربايجانمەن; ىى كەزەڭ اياسىندا بىرىككەن اراب امىرلىگى، گەرمانيا، تۇركيا جانە تايلاندپەن).

حالىقارالىق اۋە رەيستەرىنىڭ قايتا ۇشىرىلا باستايتىن كۇنى مەملەكەتتىك شەكارالاردىڭ اشىلۋىنا جانە سانيتارلىق-ەپيدەميولوگيالىق جاعدايعا بايلانىستى انىقتالاتىن بولادى.

بىرقاتار سالالار مەن وبەكتىلەردىڭ جۇمىسقا كىرىسۋىن ەسكەرە وتىرىپ، ۆەدومستۆوارالىق كوميسسيا قازاقستاندىقتار ءۇشىن اۋرۋدىڭ الدىن-الۋ شارالارىن قاتاڭ ساقتاۋ قاجەتتىلىگىن ەسكە سالادى (ماسكا كيۋ، الەۋمەتتىك اراقاشىقتىقتى ساقتاۋ، قارىم-قاتىناستى ازايتۋ).

وتىرىس قورىتىندىسى بويىنشا پرەمەر-ءمينيستردىڭ ورىنباسارى ە. توعجانوۆ بىرقاتار ناقتى تاپسىرمالار بەردى.

سوڭعى جاڭالىقتار