29 مامىر, 15:15 487 0 ايماق انار لەپەسوۆا

پرەزيدەنت كۇن ەلەكتر ستانتسياسىنىڭ جۇمىسىمەن تانىستى

بۇگىن مەملەكەت باسشىسى اقمولا وبلىسى، تسەلينوگراد اۋدانىنا جۇمىس ساپارىمەن باردى. پرەزيدەنت ساپارى «Hevel Kazakhstan» جاۋاپكەرشىلىگى شەكتەۋلى سەرىكتەستىگىنە قاراستى كۇن ەلەكتر ستانتسياسىنىڭ جۇمىسىمەن تانىسۋدان باستالدى. اتالعان نىسان بيىل پايدالانۋعا بەرىلدى.

بۇل تۋرالى اقوردانىڭ ءباسپاسوز قىزمەتى حابارلادى.

قاسىم-جومارت توقاەۆقا ايماقتاعى «جاسىل ەنەرگەتيكانى» دامىتۋ پەرسپەكتيۆاسى جايىندا باياندالدى. قۋاتتىلىعى 100 مۆت بولاتىن ەلەكتر ستانتسيانىڭ قۇرىلىسىنا 30 ميلليارد تەڭگەگە جۋىق ينۆەستيتسيا سالىنعان. ستانتسيا جىلىنا 148 ميلليون كيلوۆات ساعات ەلەكتر قۋاتىن وندىرەدى. قۇرىلىس جوباسىن سالۋ بارىسىندا كومپانيانىڭ ءوز ازىرلەمەسى، اتاپ ايتقاندا، گەتەروقۇرىلىمدى ەكى جاقتى كۇن ءمودۋلى سەكىلدى يننوۆاتسيالىق تەحنولوگيا پايدالانىلعان.

مەملەكەت باسشىسى قازاقستانداعى جاڭارتىلعان قۋات كوزىن پايدالانۋدىڭ ماڭىزدىلىعىن اتاپ ءوتىپ، ەلەكتر ستانتسياسىنىڭ قىزمەتكەرلەرىنە تابىس تىلەدى.

 

سوڭعى جاڭالىقتار