29 مامىر, 13:31 706 0 جاڭالىقتار انار لەپەسوۆا

گولوۆكيننىڭ كەلەسى جەكپە-جەگى قايدا وتەدى؟

The Ring جۋرنالى قازاقستاندىق بوكسشى گەننادي گولوۆكيننىڭ (40-1-1, 35 كو) كەلەسى جەكپە-جەگىن قايدا وتكىزەتىنى تۋرالى جازدى، دەپ حابارلايدى Sports.kz.

ونىڭ قارسىلاسى - پولشا بوكسشىسى كاميل شەرەمەتا (21-0, 5 كو), ايقاس اقش-تىڭ چيكاگو قالاسىندا بولادى.

جۇدىرىقتاسۋدىڭ وتەتىن كۇنى ازىرگە بەلگىسىز، الايدا پروموۋتەر ەددي حيرن ونىڭ تامىز ايىندا ۇيىمداستىرىلاتىندىعىنا ۇمىتتەنىپ وتىر.

ەسكە سالا كەتسەك، گولوۆكيننىڭ شەرەمەتامەن جەكپە-جەگى اقپان ايىنان بەرى بىرنەشە رەت ءتۇرلى سەبەپتەرمەن كەيىنگە قالدىرىلعان. بۇل رەتتە، بوكسشىلار جۇدىرىقتاساتىن ورىن بەلگىلى بولدى – بۇل چيكاگونىڭ Wintrust Arena-cى.

شەرەمەتامەن ايقاستا گولوۆكيننىڭ IBF تۇجىرىمداماسى بويىنشا ورتا سالماقتاعى الەم چەمپيونى اتاعى باسكە تىگىلەدى.

 

سوڭعى جاڭالىقتار