29 مامىر, 11:17 663 0 ىشكى ساياسات انار لەپەسوۆا

قازاقستاننان ءۇش ايدا 7,3 مىڭ ادام كوشىپ كەتكەن

2020 جىلدىڭ العاشقى ءۇش ايىندا قازاقستاننان 7,3 مىڭ ادام قونىس اۋدارعان. Finprom.kz زەرتتەۋ ورتالىعىنىڭ مالىمەتىنشە، بۇل كورسەتكىش وتكەن جىلدىڭ وسى كەزەڭىمەن سالىستىرعاندا 12,1 پايىزعا تومەن. 

مامانداردىڭ ايتۋىنشا، كوشىپ كەتۋشىلەر سانىنىڭ ازايۋىنا COVID-19 ينفەكتسياسىنىڭ تارالۋى سەبەپ بولعان. الايدا قازاقستانعا وزگە ەلدەن كوشىپ كەلۋشىلەر سانى وتكەن جىلعىمەن سالىستىرعاندا 34,4% ارتىپ، 4,3 مىڭ ادامدى قۇراعان.

2019 جىلى ەلىمىزدەن 45,2 مىڭ ادام كوشىپ كەتكەن، كەلگەندەر سانى 12,3 مىڭ.

وسى جىلدىڭ ءۇش ايىندا كوشىپ كەتكەندەردىڭ 72,9% جۇمىسقا قابىلەتتى ادامدار. ياعني 16-دان زەينەتتىك جاسقا دەيىنگىلەر سانى 5,4 مىڭ. ال 1,7 مىڭى 15 جاستان تومەن، زەينەتتىك جاستان اسقاندار سانى – 326 ادام.

سوڭعى جاڭالىقتار