27 مامىر, 18:45 491 0 جاڭالىقتار اسىل تۇمار

كەنتاۋدا پوليەتيلەن قۇبىرىن شىعاراتىن تسەح ءوز جۇمىسىن باستادى

تۇركىستان وبلىسى، كەنتاۋ قالاسىندا پوليەتيلەن قۇبىرىن شىعاراتىن تسەح ءوز جۇمىسىن باستادى. جوبالىق قۇنى 600 ملن تەڭگەنى قۇرايتىن كاسىپورىن جىلىنا 1500 توننا ترۋبا شىعارۋعا قاۋقارلى.

قازاقپاراتتىڭ جازۋىنشا، «ابن اليانس» جشس-نە تيەسىلى ءوندىرىس ورنىندا بۇگىندە 50 ادام جۇمىسپەن قامتىلعان. اتالعان تسەح قالاداعى توقتاپ تۇرعان بۇرىنعى «بەتونزاۆود» عيماراتىن ساتىپ الىپ، قۇرال-جابدىقتار ورناتۋ جۇمىستارىن جۇرگىزگەن.

جوبانى ىسكە قوسقان كاسىپورىن باسشىلىعى الداعى ۋاقىتتا اتالعان عيماراتتىڭ ىشىندە رادياتور شىعارۋ تسەحىن اشۋدى جوسپارلاۋدا. جوبانىڭ قۇنى 1 ملرد 200 ملن تەڭگەنى قۇراماق. وسىلايشا جىلىنا 600 مىڭ دانا رادياتور شىعارىپ، مۇندا دا 50 ادامدى جۇمىسپەن قامتۋ كوزدەلىپ وتىر.

بۇدان بولەك، مۇندا تەمىربەتون شىعارۋ تسەحىن اشۋ جوسپارلانعان. بۇل جوبانىڭ قۇنى 200 ملن تەڭگەنى قۇرايدى. كاسىپورىندا جىلىنا 13500 مىڭ دانا تەمىربەتون شىعارىلماق.

سوڭعى جاڭالىقتار