27 مامىر, 14:18 398 0 ەكونوميكا ارايلىم بيمەنديەۆا

جاساندى ينتەللەكت – تسيفرلىق بولاشاقتىڭ نەگىزى

Microsoft كورپوراتسياسى جۇمىس ورنىندا جاساندى ينتەللەكتتى پايدالانۋ قىزمەتكەرلەردى اناعۇرلىم تاپقىر جانە قابىلەتتى ەتەتىنى تۋرالى KRC جاڭا حالىقارالىق زەرتتەۋلەرىنىڭ دەرەكتەرىن جاريالادى.

2020 جىلدىڭ ناۋرىز ايىندا وتكىزىلگەن ساۋالناماعا 20 ەلدەگى ءىرى كومپانيالاردىڭ 12 000 قىزمەتكەرى قاتىستى. زەرتتەۋ ناتيجەلەرى كورسەتكەندەي، ءىرى كاسىپورىندار ىسكەرلىك باسىمدىقتاردى ورنالاستىرۋ، جالپى جاعدايدى تالداۋ، سونداي-اق وڭاي تاپسىرمالاردى ورىنداۋدى اۆتوماتتاندىرۋ ءۇشىن جاساندى ينتەللەكت قولدانۋدان ايتارلىقتاي پايدا كورەدى.

«بۇل بارلىق كومپانيالار ءۇشىن كولەمىنە، سەكتورىنا نەمەسە ورنالاسقان جەرىنە قاراماستان تەڭدەسى جوق ءسات. الداعى ايلار مەن جىلداردىڭ پاندەمياعا جانە ونىڭ سالدارلارىنا بەيىمدەلۋگە كوپتەگەن كومپانيالار ءۇشىن شەشۋشى ماڭىزى بار. جاساندى ينتەللەكت تسيفرلىق بولاشاقتىڭ نەگىزى بولىپ تابىلادى. ءبىز جاساندى ينتەللەكت وسى قيىن كەزەڭدە كومپانيالارعا يكەمدى جانە باسەكەگە قابىلەتتى بولۋعا كومەكتەسۋ ءۇشىن ماڭىزدى ءرول اتقارۋدى جالعاستىرادى دەپ ەسەپتەيمىز. ادامنىڭ تاپقىرلىعىن ارتتىرۋ ءۇشىن وسى تەحنولوگيانى پايدالانۋ جاساندى ينتەللەكتتىڭ باستى الەۋەتى بولىپ تابىلادى. سوندىقتان، ادامنىڭ داعدىلارىن دامىتۋعا، سونداي-اق جاڭا تسيفرلىق تەحنولوگيالاردى ەنگىزۋگە نازار اۋدارۋدى جالعاستىرۋ ماڭىزدى»، – دەپ قازاقستانداعى Microsoft كومپانياسىنىڭ باس ديرەكتورى تيبور كولەياك اتاپ ءوتتى

زەرتتەۋ ناتيجەلەرى بويىنشا، جاساندى ينتەللەكتتى ۇزاق ۋاقىت بويى قولدانعان كومپانيالاردىڭ كورسەتكىشتەرى جوعارى. اعا-مەنەدجەرلەردىڭ 84,7 پايىزى جانە ۇزاق ۋاقىت بويى جاساندى ينتەللەكتتى پايدالانعان كومپانيالار اتىنان وكىلدىك ەتەتىن قىزمەتكەرلەردىڭ 62,1 پايىزى وزدەرىن «قوسىمشا شىندىق قىزمەتكەرلەرى» رەتىندە سەزىنەتىنىن ايتتى. سەبەبى جاساندى ينتەللەكت وڭاي مىندەتتەردەن باستاپ كۇردەلى شەشىمدەر قابىلداۋعا دەيىن ولاردىڭ كۇندەلىكتى جۇمىسىنا قاتىسادى.

جاساندى ينتەللەكتپەن باسقارىلاتىن كومپانيالاردىڭ كوپشىلىگى (80,6 پايىز) پروتسەستەردى وڭتايلاندىرۋدان ۇتادى. سونىمەن قاتار، ولاردىڭ قىزمەتكەرلەرى ءوز بەتىمەن الدىنا قويىلعان مىندەتتەردى شەشۋ ءۇشىن جاساندى ينتەللەكتتى پايدالانادى.

ۇزاق ۋاقىت بويى جاساندى ينتەللەكت قولداناتىن كومپانيالاردىڭ وكىلدەرىنىڭ 56,7 پايىز جاساندى ينتەللەكت جاڭا ونىمدەر مەن قىزمەتتەردى دامىتۋعا كومەكتەسەتىنىن ايتتى. بۇل تۋرالى جاساندى ينتەللەكتتى پايدالانۋدىڭ باستاپقى كەزەڭدەرىندە رەسپوندەنتتەردىڭ 28,1 پايىزى عانا مالىمدەدى.

جاساندى ينتەللەكت سالاسىنداعى ساراپشى جانە Exponential View نەگىزىن قالاۋشى ازيم ازاردىڭ ايتۋىنشا، «جاڭا جاعدايدا كومپانيالارعا ءوز قىزمەتىن قايتا باستاۋ ءۇشىن قىزمەتكەرلەردىڭ تاپقىرلىعى قاجەت. يننوۆاتسيالىق جانە يكەمدى ۇيىمدار كليەنتتەرمەن، سەرىكتەستەرمەن جانە باسقا دا مۇددەلى تاراپتارمەن جاڭا قارىم-قاتىناس قۇرۋعا نەعۇرلىم جاقسى دايىن. زەرتتەۋگە سايكەس، جاساندى ينتەللەكتتى ءوز باسقارۋىندا پايدالاناتىن كومپانيالاردىڭ جاعدايى جاقسى، ويتكەنى ولار ادامداردى جان-جاقتى دامىتۋعا جانە ءوز قىزمەتكەرلەرىنىڭ قابىلەتىن جاڭا تەحنولوگيالاردى پايدالانۋ ارقىلى ارتتىرۋعا كوپ كوڭىل بولەدى».

باسقارۋىنا جاساندى ينتەللەكت قاتىسى بار بارلىق كومپانيالار (93,9 پايىز) قىزمەتكەرلەرىن قوسىمشا وقىتۋعا قارجى بولىنگەنىن نەمەسە ونى جاقىن ارادا جاساۋدى جوسپارلاپ وتىرعانىن راستايدى. بۇل كومپانيالار ءوز قىزمەتكەرلەرىنىڭ دەرەكتەردى تالداۋدان كوممۋنيكاتسياعا دەيىنگى ءارتۇرلى داعدىلارىن دامىتادى.

سوڭعى جاڭالىقتار