27 مامىر, 13:19 422 0 ءبىلىم انار لەپەسوۆا

ءتىل كوميتەتى ءبىلىم جانە عىلىم مينيسترلىگىنىڭ قاراماعىنا وتەدى

ءتىل كوميتەتى كەلەسى جىلدان باستاپ ءبىلىم جانە عىلىم مينيسترلىگىنىڭ قاراماعىنا ءوتۋى ءتيىس. پرەزيدەنت قاسىم-جومارت توقاەۆ ۇكىمەتكە وسىنداي تاپسىرما بەردى. 

«مەملەكەتتىك ءتىلدى وقىتۋدىڭ تيىمدىلىگىن بارىنشا ارتتىرۋىمىز كەرەك. بۇل ماسەلەدە ەۋروپا ەلدەردىڭ تاجىريبەسىنە نازار اۋدارۋ قاجەت. ولار ءتىل ۇيرەتۋ بارىسىندا نەگىزىنەن وقۋ ورىندارىنداعى جاستارعا كوبىرەك ءمان بەرەدى. سوندىقتان ءتىل كوميتەتىن 2021 جىلدان باستاپ ءبىلىم جانە عىلىم مينيسترلىگىنىڭ قاراماعىنا بەرۋ كەرەك. بۇل قازاق ءتىلىن وقىتۋ ادىستەمەسىن ازىرلەۋ جانە ونى ۇيرەتۋ ىسىنە قاتىستى الەۋەتىمىزدى ءبىر ورتالىققا شوعىرلاندىرۋعا مۇمكىندىك بەرەدى. سونداي-اق، مۇنداي قادام قولدانىسقا ەنگىزىلەتىن وقۋ باعدارلامالارىنىڭ تيىمدىلىگىن تالداۋ جانە مونيتورينگ جۇرگىزۋ جۇيەسىن جاساۋعا سەپتىگىن تيگىزەدى»، - دەدى قاcىم-جومارت توقاەۆ ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا.

ايتا كەتەيىك، قاسىم-جومارت توقاەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءوتىپ جاتىر.

بۇعان دەيىن مەملەكەت باسشىسى ۇكىمەتكە جوو وقىتۋشىلارىنىڭ جالاقىسىن كوبەيتۋدى تاپسىردى.

 

سوڭعى جاڭالىقتار