27 مامىر, 10:27 447 0 جاڭالىقتار انار لەپەسوۆا

الماتى پوليتسياسىنىڭ باسشىسىنا قاتاڭ سوگىس جاريالاندى

الماتى پوليتسياسىنىڭ باسشىسى قانات تايمەردەنوۆكە قاتاڭ سوگىس جاريالاندى، دەپ حابارلايدى Polisia.kz

ىشكى ىستەر مينيسترلىگى 25 مامىردا الماتى وبلىسىنداعى باقىلاۋ-وتكىزۋ بەكەتىندە ەكى پوليتسيا قىزمەتكەرى كوز جۇمعان قايعىلى وقيعانى تالدادى. اپاتتىڭ سەبەبى جەكە قۇراممەن پروفيلاكتيكالىق جۇمىستاعى قاتەلىكتەر جانە قۇقىق بۇزۋشىلىقتار مەن تەرىس قىلىقتار جاساعان قىزمەتكەرلەرگە ۋاقتىلى دەن قويۋ شارالارى قابىلدانباعان. بۇعان قوسا، بۇقارالىق اقپارات قۇرالدارىندا بۇرمالانعان اقپاراتتى ۇسىنۋ فاكتىلەرى باعالانادى.

الماتى قالاسىنىڭ پد باسشىسى، پوليتسيا گەنەرال-مايورى ق.د. تايمەردەنوۆكە سەنىپ تاپسىرىلعان بولىمشەنىڭ قىزمەتىن ۇيىمداستىرۋداعى كەمشىلىكتەرى ءۇشىن قاتاڭ سوگىس جاريالاندى.

ء"اربىر جەتەكشى وزىنە باعىنىشتى ادامدارى ءۇشىن جاۋاپ بەرەدى. قىزمەتكەرلەر اراسىندا ءتارتىپ پەن زاڭدىلىقتى ساقتاۋدى قامتاماسىز ەتەدى. الماتى قالالىق پوليتسيا باسقارماسىندا بۇل جۇمىس ءتيىستى دەڭگەيدە ۇيىمداستىرىلماعان. ناتيجەسىندە ءبىز بىردەن ەكى قىزمەتكەردەن ايىرىلدىق، ءبىر قىزمەتكەر اۋىر جاراقات الدى. ءبارىمىز ءۇشىن ، اسىرەسە وتباسى مەن دوستارى ءۇشىن بۇل قايعىلى جاعداي جانە ورنى تولماس شىعىن. سوندىقتان وسى توتەنشە جاعدايعا جەتكىزگەن باسشىلارعا قاتىستى ءتيىستى شارالار قابىلداندى. ىشكى ىستەر مينيسترلىگىنىڭ باسشىلىعى قىزمەتتىك ءتارتىپتى ساقتاۋدى قاتاڭ تالاپ ەتۋدى، پوليتسيانىڭ كەز كەلگەن زاڭ بۇزۋشىلىقتارىنا ءپرينتسيپتى باعا بەرۋدى جانە جاڭا جاعدايدا جۇمىس ىستەگىسى كەلمەيتىن نەمەسە جۇمىس ىستەمەيتىندەردىڭ قاتارىن تازارتۋدى تالاپ ەتەدى", - دەدى ىشكى ىستەر ءمينيسترى ەرلان تۇرعىمباەۆ.

سوڭعى جاڭالىقتار