26 مامىر, 19:27 454 0 جاڭالىقتار اسىل تۇمار

تۇرعىن ءۇي باعدارلاماسى وپەراتورلارىنىڭ سانى قىسقارماق

قر پارلامەنتى سەناتىنىڭ ءباسپاسوز قىزمەتى ەلىمىزدەگى تۇرعىن ءۇي باعدارلاماسى وپەراتورلارىنىڭ سانى قىسقارۋى مۇمكىن ەكەنىن ايتتى. 

ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا: «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي باعدارلامالارى وپەراتورلارىنىڭ سانىن قىسقارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسى قارالدى»، – دەلىندى.

مالىمەتكە ساي، بۇل زاڭ جوباسى مەملەكەت باسشىسىنىڭ تاپسىرماسى بويىنشا ازىرلەنگەن. ونىڭ مىندەتى – قۇرىلىس سالاسى سۋبەكتىلەرىن ىنتالاندىرۋدى قامتاماسىز ەتۋ، يپوتەكالىق كرەديتتەۋدى ودان ءارى دامىتۋ، تۇرعىن ءۇي قۇرىلىسى وپەراتورىنىڭ قىزمەتىن وڭتايلاندىرۋ، جۇمىس ىستەپ تۇرعان وپەراتورلاردىڭ اكىمشىلىك شىعىسىن ازايتۋ ەسەبىنەن بيۋدجەت قاراجاتىن ۇنەمدەۋ بولىپ تابىلادى.

بۇل قۇجاتپەن:

  • بىرىڭعاي وپەراتوردىڭ يپوتەكالىق قارىز بەرۋ;
  • كوپپاتەرلى تۇرعىن ۇيلەردەگى ۇلەستى ساتىپ الۋعا ارنالعان قارىزداردى كەپىلدەندىرۋ;
  • ينۆەستيتسيالىق جوبالاردى قارجىلاندىرۋ جانە ىسكە اسىرۋ جونىندەگى قىزمەتى رەتتەلەدى.

زاڭنىڭ قابىلدانۋى ەلىمىزدىڭ حالقىن ساپالى جانە جايلى تۇرعىن ۇيمەن قامتاماسىز ەتۋدى ارتتىرۋعا باعىتتالعان مەملەكەتتىك شارالاردى ودان ءارى ىسكە اسىرۋعا، ونىڭ ىشىندە قۇرىلىس سالاسىنا قولداۋ كورسەتۋگە، تۇرعىن ءۇي نارىعىنداعى جانە يپوتەكالىق كرەديتتەۋدەگى سۇرانىس پەن ۇسىنىستىڭ تەڭگەرىمدى وسۋىنە جاعداي جاساۋ ارقىلى قامتاماسىز ەتۋگە مۇمكىندىك بەرەدى.

قۇجات پالاتانىڭ قاراۋىنا جىبەرىلدى.

سوڭعى جاڭالىقتار