25 مامىر, 16:26 288 0 جاڭالىقتار اسىل تۇمار

ForteMobile ۇيالى بايلانىسى ىسكە قوسىلادى

"سالەم! سويلەسۋگە ىڭعايلى ما؟" وسى سويلەمنەن Forte-ءنىڭ جاڭا ونىمدەرى مەن سەرۆيستەرىنىڭ جىل سايىنعى تۇساۋكەسەرى باستالدى.

بيىل Forte جاڭا فورماتتا پرەزەنتاتسيا جاساپ، ونى Forte Digital Week دەپ اتادى. ونلاين رەجيمىندە قازاقستاندىقتار ءومىر ءسۇرۋدى جەڭىلدەتەتىن جاڭا ونىمدەر مەن جاڭارتىلعان بانكتىك قىزمەتتەرمەن تانىستى. Forte-ءنىڭ ەكوجۇيەسى ۇنەمى جاڭا قىزمەتتەرمەن جانە سەرۆيستەرمەن تولىقتىرىلىپ وتىرادى. سوندىقتان دا بانكتىك ەمەس ونىمدەردىڭ تۇرلەرى ۇنەمى كەڭەيۋ ۇستىندە.

«ForteMarket ساندىق دۇكەنى كىشىگىرىم ەلەكترونيكادان باستاپ، ءۇي جيھازدارىنا دەيىن مىڭداعان ءتۇرلى ونىمدەردى ساتادى، ForteTravel – ساياحاتتار مەن اۋە بيلەتتەرىن ساتىپ الۋ قىزمەتتەرىن ۇسىناتىن ساندىق قۇرىلعى. وسى دۇنيەلەر ارقىلى كليەنتتەرىمىز كوپتەگەن جاڭالىقتارمەن تانىستى. ال بۇگىن بانكتىك ونىمدەرگە قاتىسى جوق ەرەكشە ءونىمىمىزدى قۋانىشپەن ۇسىنباقپىز. ال ونىڭ كومەگىمەن سويلەسۋگە وتە ىڭعايلى، ول – ءبىزدىڭ ForteMobile جاڭا ۇيالى بايلانىسىمىز»، - دەيدى ForteBank باسقارماسىنىڭ توراعاسى گۋرام اندرونيكاشۆيلي.

Forte-ءنىڭ ەكسكليۋزيۆتى ۇيالى بايلانىسى ەكى تاريفپەن ۇسىنىلادى، اتاۋلارى تولەم كارتوچكالارى تۇرىنەن الىنعان – Gold جانە Platinum.

«ءبىز سەرىكتەسىمىز Beeline قازاقستانمەن بىرگە كەرەمەت ۇسىنىستار جاساپ وتىرمىز. ءبىزدىڭ تاريفتەرىمىزبەن مينۋتتار مەن ينتەرنەتتىڭ جەتىسپەۋشىلىگىن سەزىنبەيسىز. ەگەر تۇتىنۋشى ءبىزدىڭ بانكتىك ونىمدەرىمىزدى بەلسەندى قولداناتىن بولسا، بىرەگەي بونۋستار مەن قىزمەتتەرگە قول جەتكىزەدى»، - دەيدى جوبا مەنەدجەرى الەنا احمەتوۆا.

قىزمەتتەر قاتارىنا شىعىس قوڭىراۋلارعا ارنالعان اقىسىز مينۋتتار، ينتەرنەت-ترافيكتەر، سونىمەن قاتار الەۋمەتتىك جەلىلەر، لەزدىك حابارلامالار، KAZNET جانە باسقا دا قىزمەتتەرگە شەكتەۋسىز ترافيكتەر كىرەدى ەكەن.

تاريفتەردىڭ تاعى ءبىر ارتىقشىلىعى – ForteMobile ابونەنتتەرى مەن Beeline قازاقستان سەرىكتەسى اراسىنداعى تەگىن قوڭىراۋلار.

جاڭا ۇيالى بايلانىستا ەشكىمدە جوق تاعى ءبىر قىزمەت بار، ول – بانكتىك قولداۋ قىزمەتىنە اقىسىز روۋمينگ قوڭىراۋلارى. ايتپاقشى، موبيدىك قوسىمشا ينتەرنەت-ترافيكسىز، ياعني اقىسىز جۇمىس ىستەيدى. ماسەلەن، سىزگە ساپارعا بارۋ ءۇشىن كارتاداعى ءليميتتى ۇلعايتۋ نەمەسە جاقىن ادامدارىڭىزعا اقشا اۋدارۋ قاجەت بولسا، عالامتور كوزىن پايدالانۋدىڭ قاجەتى جوق.

ForteMobile كومەگىمەن كەز-كەلگەن ەلدەن ForteBank-قا قوڭىراۋ شالىپ، +7 705 921-21-21 نومىرىندەگى وپەراتورعا قوڭىراۋ شالىپ، ءوزىڭىز قالاعانىڭىزشا سويلەسۋگە بولادى، ۋاقىتقا شەكتەۋ جوق.

بانك كليەنتتەرى ءۇشىن جاعىمدى بونۋس – ەگەر ForteBank تولەم كارتاسىمەن ايىنا 100 000 تەڭگە نەمەسە ودان كوپ مولشەردە تولەم جاسالسا، ۇيالى بايلانىس ءۇشىن ابونەنتتىك تولەم الىنبايدى.

بانكتىڭ نۇر-سۇلتان جانە الماتى قالالارىنداعى كەز كەلگەن بولىمشەسى ارقىلى Fortimobile ءنومىرىن رەسىمدەۋگە نەمەسە ءوز ءنومىرىڭىزدى Fortimobile نومىرىنە پورتاتسيالاۋدى جۇزەگە اسىرۋعا دا بولادى.

ابونەنتتىڭ ءنومىرى مەن كارتا ءنومىرى بىردەي بولعان كەزدە ForteMobile SIM كارتاسى مەن ForteBank تولەم كارتوچكاسىنان تۇراتىن شەكتەۋلى جيىنتىق ۇسىنىلادى.

جاڭا ۇيالى بايلانىس قىزمەتىنىڭ ىسكە قوسىلۋ قۇرمەتىنە Forte كىشكەنە سىيلىقتار دايىندادى. https://mobile.forte.kz/ سايتىمەن ForteMobile SIM كارتالارىنا تاپسىرىس بەرگەندەردىڭ ءبارى ۇيلەرىنە جەتكىزىلەدى. ەرتەڭ ساعات 15: 00-دە Forte Digital اپتالىعىنىڭ ەكىنشى كۇنى وتەدى، وندا دا كوپتەگەن قىزىقتى جاڭالىقتار مەن سىيلىقتار بار.

سوڭعى جاڭالىقتار