25 مامىر, 20:49 2136 0 جاڭالىقتار اسىل تۇمار

شەكارالىق باقىلاۋ بەكەتى: قۇجات تەكسەرۋدىڭ جاڭا ءادىسى قولدانىلۋدا

سۋرەت عالامتوردان الىندى
سۋرەت عالامتوردان الىندى

بۇگىنگى تاڭدا شەكارانى شەتەلدىكتەر مەن قازاقستاندىقتار كەسىپ وتۋگە تىيىم سالىنعان. بۇل تۋرالى قر ۇقك شەكارا قىزمەتىنىڭ Instagram پاراقشاسىندا كارانتيندىك شەكتەۋلەر كەزەڭىندەگى مەملەكەتتىك شەكارانى كەسىپ ءوتۋ ءتارتىبى بويىنشا ونلاين كونفەرەنتسيادا ايتىلدى، – دەپ جازدى قازاقپارات.

«وزدەرىڭىزگە بەلگىلى، 51 اۆتوموبيلدىك وتكىزۋ پۋنكتىنىڭ جيىرماسى ۋاقىتشا جابىق. قازاقستان-قىتاي شەكاراسىندا 3 وتكىزۋ پۋنكتى، قازاقستان-رەسەي مەملەكەتتىك شەكاراسىندا 10 وتكىزۋ پۋنكتى، قازاقستان-وزبەكستان شەكاراسىندا 2 وتكىزۋ پۋنكتى، قازاقستان-قىرعىز شەكاراسىندا 5 وتكىزۋ پۋنكتى جابىق. بۇگىنگى تاڭدا شەكارانى شەتەلدىكتەر مەن قازاقستاندىقتار كەسىپ وتۋگە تىيىم سالىنعان. مۇنى ءبارى ءتۇسىنۋى كەرەك. دەگەنمەن، شەتەلدەگى قازاقستان ازاماتتارى ەلگە ەش كەدەرگىسىز كەلە الادى. ال كارانتيندىك شەكتەۋ قويىلعانعا دەيىن قازاقستاندا قالىپ قويعان شەتەلدىك ازاماتتار قازاقستاننان شىعا الادى»، – دەيدى ۇقك شەكارا قىزمەتى شەكارالىق باقىلاۋ دەپارتامەنتىنىڭ ورىنباسارى ولەگ كيسەنكو.

«قاۋىپتى سەيىلتۋ ماقساتىندا قۇجاتتى تەكسەرۋدىڭ جاڭا ءادىسىن ويلاپ تاپتىق. ول ءادىس وتكىزۋ پۋنكتەرىندە قولدانىلۋدا. ادامدارمەن از بايلانىساتىن ءادىستى قولدانۋ ارقىلى دۇرىس باقىلاۋ قامتاماسىز ەتىلدى جانە جەكە قۇرامدى اۋرۋ جۇقتىرىپ الۋدان قورعادىق. بۇل پراكتيكا الداعى ۋاقىتتا دا جالعاسىن تابادى»، – دەيدى ول.

سوڭعى جاڭالىقتار