25 مامىر 2020, 18:11 801 0 جاڭالىقتار اسىل تۇمار

كوكجايلاۋدا كوڭىل كوتەرگەندەر جازاعا تارتىلادى – الماتى اكىمدىگى

سۋرەت عالامتوردان الىندى
سۋرەت عالامتوردان الىندى

الماتىدا كوكجايلاۋ شاتقالىندا جاپپاي دەمالىسقا شىققان ازاماتتار جازاعا تارتىلادى. بۇل تۋرالى ونلاين بريفينگ بارىسىندا قالا اكىمىنىڭ ءبىرىنشى ورىنباسارى ەرلان قوجاعاپانوۆ ايتتى.

قازاقپاراتتىڭ جازۋىنشا، ەرلان قوجاعاپانوۆ: «الماتى تەرريتورياسىندا كوپ ادامنىڭ جينالۋىنا، ماسكاسىز جۇرۋىنە تىيىم سالىنعان. بۇل ادامدار وسى تالاپتاردى بۇزعان. كونتسەرت قويعان، قوقىس توككەن. ولار ەشقانداي ۇيىمنىڭ سانكتسياسىن الماعان. سانيتارلىق تالاپتاردى ورىنداماعان. قازىر پوليتسيا دەپارتامەنتىنە ناقتى تاپسىرما بەردىك. بۇل ازاماتتاردىڭ ۇستىنەن اكىمشىلىك ءىس، قىلمىستىق احۋال بايقالسا ءتىپتى قىلمىستىق ءىس قوزعايمىز»، – دەدى.

الەۋمەتتىك جەلىدە كوكجايلاۋ شاتقالىندا ساۋىق كەشىن وتكىزگەندەر تۋرالى ۆيدەو تاراعان بولاتىن.

سوڭعى جاڭالىقتار