25 مامىر, 14:44 515 0 جاڭالىقتار اسىل تۇمار

Nur Otan پارتياسى: نەگىزگى ماق­سا­تىمىز – بالالاردى قورعاۋ

سۋرەت عالامتوردان الىندى
سۋرەت عالامتوردان الىندى

Nur Otan پارتياسى وتباسى، ايەلدەر ماسەلەسى جانە بالالار قۇقىعىن قورعاۋ جونىندەگى رەسپۋبليكالىق قوعامدىق كەڭەستىڭ جۇمىس توبى ەلىمىزدەگى ەڭ وزەكتى ماسەلەلەردى بۇعان دەيىن دە بىرنەشە رەت تالقىلاعان بولاتىن.

سونىڭ ىشىندە Nur Otan پارتياسى جانىنداعى بالالاردىڭ قۇقىعىن قورعاۋ جونىندەگى رەسپۋبليكالىق كەڭەس ءتورا­عاسىنىڭ ورىنباسارى دينارا زاكيەۆا، سونداي-اق جاۋاپتى مينيسترلىكتەر، ۇكىمەتتىك ەمەس ۇيىمدار بارلىق پروبلەمانى شەشۋدىڭ جولدارىن قاراستىرعان ەدى.

پارتيا جانىنداعى وتباسى، ايەلدەر ماسەلەسى جانە بالا­لار قۇقىعىن قورعاۋ ءجو­نىندەگى رەسپۋبليكالىق قوعامدىق كەڭە­س مۇشەلەرى ەلىمىزدەگى شالعاي ەلدىمە­كەندەردى ارالاپ، ءبىل­ىم بەرۋ، الەۋمەتتىك قورعاۋ جانە دەن­ساۋلىق ساقتاۋ مەكەمەلەرىنىڭ جۇ­مىسىن تەكسەرىپ شىقتى. مەم­لە­­كەتتىك جانە مەملەكەتتىك ەمەس ۇيىم­دار بىرلەسە جۇمىس ىستەۋ ارقىلى تىعىرىقتان شىعۋدىڭ تەتىكتەرىن قاراستىردى.

كومەككە ءزارۋ انا مەن بالاعا، جاعدايى ءتو­مەن وتباسىلارعا جان-جاقتى جاعداي جاسالادى. بالانىڭ قۇقىعى تۋ­را­لى زاڭ دا قابىلداندى. نەگىزگى ماق­سا­تىمىز – بالالاردى قورعاۋ. بالالاردىڭ قاۋىپسىزدىگىن قامتا­ما­سىز ەتۋ ءۇشىن جۇيەلى جۇمىستار جۇزەگە اسىرىلادى. ۇكىمەت زورلاۋ، قيناۋ، زومبىلىق جاساۋدى بولدىرماۋ ماق­ساتىندا ارنايى باعدارلاما دايىنداپ، مەملەكەتتىك ەمەس ۇيىمدارمەن ءبىرى­گىپ تۇجىرىمداما جاساپ جاتىر. ماقسات – بيلىك پەن مەملەكەتتىك ەمەس ۇيىمدارمەن بىرىگىپ، بالالاردىڭ الەۋمەتتىك تۇرمىسىن جاقسارتۋ، – دەدى دينارا زاكيەۆا.

وتباسى، ايەلدەر ءما­­سەلەسى جانە بالالار قۇ­­قىعىن قورعاۋ جونىندەگى رەس­­پۋب­ليكالىق قوعامدىق كەڭە­ستىڭ وڭىرلەرگە جۇرگىزگەن تەكسەرۋ قورىتىندىسىندا انىق­تالعان كەلەڭسىزدىكتەردىڭ 70 پايىزى تۇزەلدى. وسى باعىتتاعى جۇمىستار ءالى دە جالعاسادى.

ايتا كەتەيىك، كەڭەستىڭ ماقساتى – وتباسىن قولداۋ، با­لا­­لار قۇقىعىن قورعاۋ ءۇشىن  جۇيەلى ءىس-شارالاردى دايىنداپ،جۇزەگە اسىرۋ.

رەسپۋبليكالىق قوعام­دىق كەڭەستىڭ جۇمىس توبى پار­تيا­، ەلدىڭ كۇش-جىگە­رىن جۇمىلدىراتىن بىرەگەي الاڭ­عا اينالىپ وتىر.

سوڭعى جاڭالىقتار