24 مامىر, 14:27 488 0 جاڭالىقتار اسىل تۇمار

اتىراۋ وبلىسىندا كارانتين 8 ماۋسىمعا دەيىن سوزىلدى

سۋرەت عالامتوردان الىندى
سۋرەت عالامتوردان الىندى

اتىراۋ وبلىسىنىڭ باس سانيتارلىق دارىگەرى تەمىربەك مۇساعاليەۆتىڭ قاۋلىسىمەن وڭىردە كارانتين مەرزىمى 8 ماۋسىمعا دەيىن سوزىلدى.

قاۋلىدا تۇرعىندارعا 2 مەتر الەۋمەتتىك ارا قاشىقتىقتى ساقتاۋ، مىندەتتى تۇردە ماسقا تاعۋ مىندەتتەلگەن. اتىراۋ قالاسى، جىلىوي اۋدانى، ماقات اۋدانىنداعى ماقات كەنتىندە كارانتين كۇشەيتىلگەن كۇيىندە قالادى.

1. اتىراۋ وبلىسى اۋماعىندا شەكتەۋ شارالارى سوزىلسىن جانە اتىراۋ قالاسى، جىلىوي اۋدانى، ماقات اۋدانى، ماقات پوسەلكەسىندە كارانتين رەجيمى 2020 جىلعى 8 ماۋسىم 07:00-گە دەيىن cوزىلسىن. 2020 جىلعى 25 مامىر ساعات 07.00-دەن 8 ماۋسىم ساعات 07.00-گە دەيىن اتىراۋ وبلىسىنىڭ جەدەل شتابى بەكىتكەن بلوكپوستتاردى كەسىپ ءوتۋ ەرەجەسىندە كورسەتىلگەن جاعدايدان تىس، اتىراۋ قالاسىنىڭ كارانتيندىك ايماقتارىنا كىرىپ-شىعۋعا تىيىم سالىنسىن. 2 مەترگە دەيىن الەۋمەتتىك ارا قاشىقتىقتى ساقتاي وتىرىپ، مىندەتتى تۇردە ماسقا تاعۋ ارقىلى ء(ۇش ادامنان ارتىق ەمەس توپ نەمەسە ءبىر وتباسى مۇشەلەرى) ازاماتتارعا تۇرعىلىقتى جەرىنەن شىعۋعا رۇقسات بەرىلسىن;

2. ازاماتتاردىڭ قوزعالىسىنا تەك جۇمىسقا بارۋعا، ازىق-تۇلىك، ءدارى-دارمەك، ءبىرىنشى قاجەتتىلىكتەگى زاتتاردى الۋعا، رۇقسات بەرىلگەن قىزمەت تۇرلەرىن الۋعا (تۇرعىلىقتى جەرىنە جاقىن ماڭداعى), شۇعىل جاعدايلار بويىنشا دارىگەرلىك كومەك الۋعا بايلانىستى جاعدايدا عانا جەكە، قىزمەتتىك، قوعامدىق كولىكپەن جۇرۋىنە رۇقسات بەرىلەدى; ساعات 23.00 مەن 06.00 ارالىعىندا اتىراۋ قالاسىندا، 21.00 مەن 6.00 ارالىعىندا جىلىوي اۋدانىندا، 20.00 مەن 6.00 ارالىعىندا ماقات اۋدانىنداعى ماقات پوسەلكەسىندە مەملەكەتتىك ورگاندار، جەدەل جاردەم جانە شۇعىل مەديتسينالىق قىزمەت كورسەتۋ قىزمەتكەرلەرى، مەملەكەتتىك مەديتسينالىق مەكەمەلەر، سانيتارلىق – ەپيدەميولوگيالىق قىزمەت، ءورت ءسوندىرۋ، اۆاريالىق قۇتقارۋ جانە اۆاريالىق تەحنيكالىق قىزمەت، سونداي اق، ستراتەگيالىق ماڭىزداعى نىساندارعا وندىرىستىك قىزمەت كورسەتەتىن جانە ءومىردى قامتاماسىز ەتۋ نىساندارى قىزمەتكەرلەرىنەن (بوگدە ادامدارسىز، وتباسى مۇشەلەرىنسىز جانە قىزمەتتىك كۋالىك پەن جۇمىس ورنىنان بەرىلگەن انىقتاماسىمەن) باسقا ازاماتتار مەن كولىكتەردىڭ قوزعالىسىنا جاپپاي تىيىم سالىنادى.

3. اتىراۋ وبلىسى اكىمدىگى:

1) قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى، 22 مامىرداعى № 37 -ءشى قاۋلىسىنىڭ ء(ارى قاراي قر بمسدق) 15-ءشى قوسىمشاسىنا سايكەس، سانيتارلىق-دەزينفەكتسيالىق تالاپتاردى ساقتاي وتىرىپ، اتىراۋ قالاسىندا ساعات 06.00 مەن 23.00 ارالىعىندا قوعامدىق كولىك قىزمەتى تولىقتاي قالپىنا كەلتىرسىن.

2) ءىرى كولەمدەگى دۋماندى، سپورتتىق، وزگە دە بۇقارالىق شارالاردى وتكىزۋگە، سونىمەن بىرگە، وتباسىلىق، ەسكە الۋ شارالارىنىڭ، سونىڭ ىشىندە ۇيدە وتكىزىلۋىنە تىيىم سالسىن.

3) ءدىني نىسانداردىڭ جۇمىسىنا تىيىم سالسىن; 4) قر ۇكىمەتىنىڭ ۆەدومستۆوارالىق كوميسسياسىمەن بەكىتىلگەن رەيستەردەن باسقا، اتىراۋ حالىقارالىق اۋەجايىنىڭ، تەمىرجول ۆوكزالى، اۆتوۆوكزال جۇمىسىنىڭ توقتاتىلۋىن ساقتاسىن.

4. اتىراۋ وبلىسى اكىمدىگى «اتامەكەن» ۇكپ-مەن بىرلەسە وتىرىپ، 2020 جىلعى 25 مامىر ساعات 7.00-دەن باستاپ، تومەندەگى كاسىپكەرلىك ۇيىمدار مەن كاسىپورىنداردىڭ قىزمەتىن قامتاماسىز ەتسىن:

1) تۋريستىك اگەنتتىكتەر (قر بمسدق 11 قوسىمشاسىنا سايكەس);

2) كوڭىل كوتەرۋ نىساندارىنسىز ساياباق، الاڭ، شاعىن باقتارعا، جاعالاۋعا ءۇش ادامنان ارتىق ەمەس توپپەن نەمەسە ءبىر وتباسى مۇشەلەرىمەن بارۋعا رۇقسات بەرىلسىن;

3) اۆتوسورەلەر مەن ساتۋشى، ساتىپ الۋشىلار اراسىندا ارا قاشىقتىقتى ساقتاي وتىرىپ، جەرگىلىكتى اۋىلشارۋاشىلىعى ونىمدەرى ءۇشىن اشىق الاڭداردا جارمەڭكە وتكىزۋگە 9.00-17.00 جۇمىس ۋاقىتى ارالىعىندا رۇقسات بەرىلسىن;

4) ساعات 09.00-22.00 ارالىعىندا گيپەرماركەت، سۋپەرماركەت، ازىق-تۇلىك دۇكەندەرى، ءدارىحانا، ءبىرىنشى قاجەتتىلىكتەگى تاۋارلار ساۋداسى نىساندارىنىڭ (قر بمسدق 17 قوسىمشاسىنا سايكەس) جۇمىسىنا رۇقسات بەرىلسىن;

5) ءدامحانا، مەيرامحانا، كوفەحانا، اسحانا، بار (قورقور بارىنان باسقا) جۇمىستارىنا ءبىر مەزگىلدە قابىلداۋ 30 ادامنان ارتىق ەمەس (اشىق الاڭداردا 50 ادامنان ارتىق ەمەس) جاعدايدا جانە 2 مەتردەن كەم ەمەس الەۋمەتتىك ارا قاشىقتىقتى ساقتاي وتىرىپ، ءبىر ۇستەلدە 4 ادامنان ارتىق ەمەس ادامدى وتىرعىزا وتىرىپ (وتباسى مۇشەلەرىنەن باسقا), (قر بمسدق 17 قوسىمشاسىنا سايكەس) ساعات 09.00-22.00 جۇمىس رەجيمى ارالىعىندا قىزمەتىنە رۇقسات بەرىلسىن.

سوڭعى جاڭالىقتار