23 مامىر, 11:49 262 0 جاڭالىقتار اسىل تۇمار

قاراعاندىداعى «سۇرىپتاۋ» ستانساسىندا ءورت شىقتى

سۋرەت عالامتوردان الىندى
سۋرەت عالامتوردان الىندى

قاراعاندى قالاسىنىڭ «سۇرىپتاۋ» ستانساسىندا 12 ءورت ءسوندىرۋشى جانە ەكى ارنايى تەحنيكا ءتىلسىز جاۋمەن كۇرەستى. جەكە ءۇيدىڭ جانىنداعى قورانىڭ شاتىرى جانىپ كەتتى، ءورت جاقىن تۇرعان نىساندارعا تارالمادى، – دەپ جازدى قازاقپارات.

22 مامىر كۇنى ساعات 12:29-دا «101» جەلىسىنە «سۇرىپتاۋ» ستانساسىنداعى ءورت شىققانى تۋرالى حابار كەلىپ ءتۇستى. ءورت ءسوندىرۋ بولىمشەلەرى ساعات 12:38-تە كەلىپ جەتكەن كەزدە شارۋاشىلىق قۇرىلىستار بلوگىندا اعاش قورا جانىپ جاتقان. جالىنعا ورناعان قورانىڭ شاتىرى قۇلاعان. ءورتتىڭ گاراجدارعا تارالۋ قاۋپى تۋىنداعان.

«ءورت ءسوندىرۋ بارىسىندا 4 گاز باللون شىعارىلدى. ساعات 13:31-دە ءورت سوندىرۋشىلەر گاراجدارعا وتتىڭ تارالۋىنا جول بەرمەي، جالىندى تولىعىمەن ءسوندىردى»، – دەپ حابارلادى قاراعاندى وبلىسى تجد ءباسپاسوز قىزمەتى.

ءورتتى سوندىرۋگە قاراعاندى وبلىسى تجد №12 (سۇرىپتاۋ) جانە №7 (مايقۇدىق) ءورت ءسوندىرۋ بولىمدەرىنىڭ جەكە قۇرامىنان 12 ادام جانە 2 تەحنيكا جۇمىلدىرىلدى.

سوڭعى جاڭالىقتار