22 مامىر, 11:44 421 0 قوعام انار لەپەسوۆا

شىمكەنتتە قوعامدىق تاماقتانۋ ورىندارى قاشان اشىلادى – اكىمدىك جاۋابى

سۋرەت ينتەرنەتتەن الىندى
سۋرەت ينتەرنەتتەن الىندى

شىمكەنتتە مەيرامحانالار مەن ءدامحانالار ازىرگە اشىلمايدى.

بۇل تۋرالى قالا اكىمىنىڭ ورىنباسارى ماقسۇت يساحوۆ الەۋمەتتىك جەلىدەگى  پاراقشاسىندا مالىمدەدى.

«كەيبىر الەۋمەتتىك جەلىلەردە قوعامدىق تاماقتانۋ ورىندارى (اسحانا، كافە، رەستوران، بارلار) جانە سپورت زالدارى اشىلادى دەگەن حابارلاما تاراپ، ءتىپتى كەيبىر كاسىپكەرلەرىمىز دايىندىققا كىرىسىپ كەتىپتى. اكىمدىك تاراپىنان ازىرگە ونداي قاۋلى قابىلدانىپ، شەشىم شىقپادى. وزدەرىڭىزگە بەلگىلى، مەملەكەت باسشىسى نىسانداردى رەتىمەن ىسكە قوسۋعا تاپسىرما بەرگەنىمەن، قالالاردا ول پروتسەسس ەپيدەميولوگيالىق جاعدايعا بايلانىستى جۇزەگە اسادى. ءبارىمىز كارانتيننىڭ اياقتالۋىن اسىعا كۇتىپ، ساياباق، بازارعا شىققانىمىزعا قۋانىپ، سانيتارلىق تالاپتاردى ەسكەرۋسىز قالدىرىپ جاتىرمىز. وكىنىشكە قاراي، قالامىزدا كوروناۆيرۋس ينفەكتسياسىن جۇقتىرعاندار سانى كوبەيۋدە. سول سەبەپتى قالاداعى بارلىق نىسانعا سانيتارلىق تالاپتاردىڭ ورىندالۋى بويىنشا مونيتورينگ جۇرگىزىلىپ، ناتيجەسىندە بىرقاتار شەكتەۋلەر قويىلادى»، - دەپ جازدى ماقسۇت يساحوۆ.

ايتا كەتەيىك، وتكەن تاۋلىكتە شىمكەنتتە 31 ادامنان كوروناۆيرۋس انىقتالىپ، قالادا ىندەت جۇقتىرعانداردىڭ جالپى سانى 539-عا جەتتى.

ال رەسپۋبليكا بويىنشا ءبىر كۇن ىشىندە 363 ادامنىڭ قاتەرلى ۆيرۋس جۇقتىرعانى بەلگىلى بولدى. ەلىمىزدە كوروناۆيرۋسقا شالدىققانداردىڭ جالپى سانى – 7597. ىندەت تارالعالى 35 ناۋقاس كوز جۇمدى.

سوڭعى جاڭالىقتار