22 مامىر, 09:18 3063 0 ايماق انار لەپەسوۆا

كارانتين كەزىندە قىزمەتكەرلەرىمەن مونشاعا بارعان اۋدان اكىمى جازالاندى (ۆيدەو)

كارانتين كەزىندە قىزمەتكەرلەرىمەن مونشاعا بارعان شاردارا اۋدانى اكىمىنىڭ تەرىس قىلىعى تۇركىستان وبلىسىنداعى ادەپ جونىندەگى كەڭەس وتىرىسىندا قارالدى. 

جيىندا ءمالىم بولعانداي، شاردارا اۋدانىنىڭ اكىمى مەملەكەتتىك قىزمەتشىلەرمەن بىرگە مونشاعا بارعان. ول توتەنشە جاعداي رەجيمىن قامتاماسىز ەتۋ جونىندەگى وڭىرلىك كوميسسيانىڭ توراعاسى بولا تۇرا، ءوزىنىڭ ءىس-ارەكەتىمەن قوعام تاراپىنان ايتىلاتىن سىنعا سەبەپكەر بولعانى انىقتالعان.

سونىمەن قاتار، قىزمەتتىك اۆتوكولىكتىڭ جۇمىستان تىس ۋاقىتتا پايدالانىلۋىنا جول بەرگەن. وتىرىس ناتيجەسىندە ادەپ جونىندەگى كەڭەستىڭ شەشىمەن شاردارا اۋدانىنىڭ اكىمى ق.جولدىبايعا «سوگىس» تۇرىندەگى تارتىپتىك جازا قولدانۋ ۇسىنىلدى.

سونداي-اق، اۋدان اكىمىنىڭ اپپارات باسشىسى ع.امانتايعا جانە دەنە شىنىقتىرۋ جانە سپورت ءبولىمىنىڭ باسشىسى ش. رايحانوۆقا «قاتاڭ سوگىس» تۇرىندەگى تارتىپتىك جازا قولدانۋ ۇسىنىلدى.

;feature=emb_title

 

سوڭعى جاڭالىقتار