20 مامىر, 19:35 1350 0 جاڭالىقتار اسىل تۇمار

ءبىلىم ءمينيسترى ۇبت قالاي وتەتىنىن ءتۇسىندىردى

سۋرەت عالامتوردان الىندى
سۋرەت عالامتوردان الىندى

قر ءبىلىم جانە عىلام ءمينيسترى اسحات ايماعامبەتوۆ ونلاين ءباسپاسوز ءماسليحاتىندا بيىل ۇلتتىق بىرىڭعاي تەستىلەۋ قالاي وتكىزىلەتىنى تۋرالى ايتىپ بەردى. 

«ۇلتتىق بىرىڭعاي تەستىلەۋ بەلگىلەنگەن مەرزىمدە وتەدى دەپ جوسپارلانۋدا، ياعني ماۋسىمنىڭ سوڭى مەن شىلدەنىڭ باسىندا. قازىر دايىندىق جۇمىستارى قارقىندى ءجۇرىپ جاتىر. الداعى اپتانىڭ سەيسەبىسىندە وتەتىن اپپارات كەڭەسىندە ۇبت-عا دايىندىق تاقىرىبىن تالقىلايمىز. ارينە، بۇل باعىتتا ۇبت-نى وتكىزۋ كەزىندە سانيتارلىق تالاپتار مەن سانيتارلىق-ەپيدەميولوگيالىق شارالاردى كۇشەيتۋگە ايرىقشا نازار اۋدارىلادى»، – دەدى ا.ايماعامبەتوۆ.

ءمينيستردىڭ ايتۋىنشا، اراقاشىقتىقتى ساقتاۋ ماقساتىندا ۇبت تاپسىرۋ كەزىندە اۋديتورياداعى ادامدار سانى بارىنشا قىسقارتىلادى.

«ماسكا، رەسپيراتورلار تاعۋ مىندەتتى بولادى. سونىمەن قاتار، اۋديتوريانى جەلدەتۋ جۇمىستارى ىسكە اسىرىلادى. قازىر وسى ماسەلەلەرمەن اينالىسىپ جاتىرمىز. بيىل قۇجات تاپسىرۋ تولىقتاي ەلەكتروندى تارتىپتە ءوتتى. 131 مىڭ بالا قۇجاتتارىن تاپسىرىپ ۇلگەردى»، – دەدى مينيستر.

سوڭعى جاڭالىقتار