30 ناۋرىز, 10:27 28228 0 دەنساۋلىق اسىل تۇمار

كوروناۆيرۋستان ەمدەلىپ شىققان ايەلدىڭ كەڭەسى

سۋرەت عالامتوردان الىندى
سۋرەت عالامتوردان الىندى

COVID-19 كوروناۆيرۋسىنا شالدىعىپ، ەمدەلىپ شىققان امەريكالىق قازاقستاندىقتارعا كەڭەس بەردى، – دەپ جازدى قازاقپارات.

اقش-تا 140 مىڭ ادام ينفەكتسيا جۇقتىردى. نيۋ-يوركتىڭ ناۋقاستارعا تولى اۋرۋحانالارى تۇرعىنداردىڭ بارلىعىن ورنالاستىرا الماي جاتىر. كوپتەگەن ادامدار دارىگەرلەردىڭ نۇسقاۋىمەن ۇيدە وقشاۋلانىپ اتالمىن ىندەتپەن كۇرەسىپ جاتىر.

سولاردىڭ ءبىرى – نيۋ-يورك تۇرعىنى ماريسسا كوتە. ول ەرەكشە اۋرۋ بەلگىلەرى بولماعاندىقتان، COVID-19-عا تاپسىرعان تەستى وڭ ناتيجە بەرەدى دەپ كۇتپەگەن. جوتەلمەگەن جانە تىنىس الۋى ناشارلاماعان. ماريسسا ءبىر اپتادان كەيىن ءوزىن جاقسى سەزىنە باستاعان، بىراق تولىقتاي ساۋىعىپ كەتكەنشە ۇيدە وقشاۋلانعان.

جاس كەلىنشەك «حابار-24» تەلەارناسىنىڭ ەفيرىندە ءبىزدىڭ ەلىمىزدىڭ ازاماتتارىنا ءوز كەڭەسىن ايتتى. «مەن قازاقستاندىقتارعا مىناداي كەڭەس بەرگىم كەلەدى – كوڭىلدى بولىپ ءجۇرۋ اسا ماڭىزدى. سۇيىقتىق كوپ ىشىڭىزدەر، دارۋمەندەر مەن دارىگەرلەر جازىپ بەرگەن ءدارى-دارمەكتەردى ىشە بەرىڭىزدەر. ۇيدەن شىقپاڭىزدار جانە ءۇيدى تولىقتاي – بارلىق زاتتاردى دەزينفەكتسيالاۋ قاجەت. بەلگىلى بولعانداي، كوپتەگەن ادامدار جازىلىپ كەلە جاتىر»، – دەدى ول.

سوڭعى جاڭالىقتار