28 ناۋرىز, 16:19 962 0 جاڭالىقتار اسىل تۇمار

ءبىر وتباسىندا ءۇش ادام كوروناۆيرۋس جۇقتىرعان

سۋرەت عالامتوردان الىندى
سۋرەت عالامتوردان الىندى

قوسشى اۋىلىندا ءبىر وتباسىنداعى ءۇش ادام كوروناۆيرۋس جۇقتىرعان. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ حابارلادى.

كوروناۆيرۋس ىندەتى انىقتالعان اتالمىش ازاماتتار بۇعان دەيىن ءۇي كارانتينىندە جاتقان. سەبەبى، ولاردىڭ ۇيىندە كوروناۆيرۋسقا شالدىققان ەلوردالىق تۋىسى قوناقتا بولعان ەكەن.

– بۇل ءۇش ادام قازىر ينفەكتسيالىق ستاتسيوناردا جاتىر. جاعدايى قاناعاتتانارلىق. ولار: 1954 جىلى تۋعان ايەل، 1949 جىلى تۋعان ەر ادام جانە ولاردىڭ 1990 جىلى تۋعان ۇلدارى. ولاردان بولەك، بىزدە قازىر ستاتسيونارلىق كارانتيندە 95 پاتسيەنت باقىلانىپ جاتىر. بارلىعىنىڭ جاعدايى قاناعاتتانارلىق، – دەدى سۇلەن ءىلياسوۆ.

ايتا كەتۋ كەرەك، اۋرۋ بەلگىلەرى انىقتالعان ادامداردىڭ بارلىق جاقىندارى قازىر اۋرۋحاناعا جاتقىزىلىپ، قاتاڭ باقىلاۋعا الىنعان.

سوڭعى جاڭالىقتار