28 ناۋرىز, 09:46 542 0 جاڭالىقتار اسىل تۇمار

كارانتين رەجيمى كۇشەيدى: دۇكەنگە ماسكاسىز كىرە المايسىز

سۋرەت عالامتوردان الىندى
سۋرەت عالامتوردان الىندى

الماتى قالاسى اكىمدىگى 28 ناۋرىزدان باستاپ قالادا قانداي شەكتەۋلەر كۇشىنە ەنگەنىن ءتۇسىندىردى.

بۇكىل اۋماقتىق مەملەكەتتىك ورگاندار مەن ولارعا قاراستى ۆەدومستۆولار، زاڭدى تۇلعالار جۇمىس كۇنىن بارىنشا قىسقارتۋى ءتيىس. سونداي-اق ولار عيماراتقا كۇنىنە كەم دەگەندە ەكى رەت دەزينفەكتسيا جاساپ، تازالاۋ ارقىلى ءوز قىزمەتكەرلەرىنىڭ جانە كليەنتتەرىنىڭ قاۋىپسىزدىگىن قامتاماسىز ەتۋى كەرەك.

ودان بولەك، ءدارىحانا، دۇكەن جانە مەديتسينالىق مەكەمە سياقتى وزگە دە ۇيىمداردىڭ كىرىپ-شىعاتىن ەسىگىنىڭ ماڭىندا سانيتايزەر ورناتىلادى.

الماتىدا كارانتين رەجيمىن كۇشەيتۋ جونىندەگى قوسىمشا شارالار تىزىمىندە: «عيمارات ىشىندە ادام سانىنىڭ كوپ بولماۋىنا ءمان بەرىلگەنى دۇرىس. 20 شارشى مەتردە ءبىر ادامنان ارتىق جۇرمەۋگە ءتيىس. مەكەمەنىڭ ىشىندە دە، سىرتىندا دا ادامدار اراسىنداعى قاشىقتىق ەكى مەتردەن كەم بولماسىن. كەزەكتە بەس ادامنان ارتىق تۇرماۋىن قاتاڭ قاداعالاۋ كەرەك. عيماراتتىڭ ىشىنە ارنايى قورعانىس قۇرالىنسىز (مەديتسينالىق ماسكاسىز) كىرگىزبەسىن»، –دەلىنگەن.

ەسكە سالا كەتەيىك، بۇگىن تۇنگى ساعات 00:00-دەن باستاپ نۇر-سۇلتان مەن الماتىدا كارانتين رەجيمى كۇشەيدى.

سوڭعى جاڭالىقتار