27 ناۋرىز, 20:37 709 0 قاۋىپسىزدىك انار لەپەسوۆا

ۇيدەن شىعۋدى شەكتەۋ: پوليتسيا تۇرعىنداردى قالاي باقىلايدى؟

اقپارات جانە قوعامدىق دامۋ ءمينيسترى داۋرەن اباەۆ ەلوردا مەن الماتىدا كارانتين ءتارتىبىنىڭ كۇشەيتىلۋىنە بايلانىستى پوليتسيا قىزمەتكەرلەرى اتالمىش قالالاردا باقىلاۋدى كۇشەيتەتىنىن ايتىپ، تۇرعىنداردى ولاردىڭ جۇمىسىنا تۇسىنىستىك تانىتۋعا شاقىردى.

«قوعامدىق كولىككە، تاكسي، تاماق جەتكىزۋ قىزمەتتەرىنە سانيتارلىق تالاپتاردى قاتاڭ ساقتاۋ ءۇشىن تسيركۋليار جاسالادى. كەشە ايتىلعانداي، بۇگىن تۇنگى 12-دەن باستاپ ۇيدەن شىعۋعا شەكتەۋ قويىلادى. ۇيدەن تەك ازىق-تۇلىك، ءدارى الۋعا نەمەسە جۇمىسقا بارۋ ءۇشىن شىعۋعا بولادى»، – دەدى مينيستر «حابار 24» تەلەارناسىنىڭ تىكەلەي ەفيرىندە.

سونىمەن بىرگە، 30 ناۋرىزدان باستاپ الماتى مەن نۇر-سۇلتانداعى كاسىپورىندار مەن ۇيىمداردىڭ باسىم كوپشىلىگى جۇمىسىن توقتاتادى.

«كوشەدە پوليتسيا قىزمەتكەرلەرى توقتاتىپ، قايدا بارا جاتقانىڭىزدى سۇراسا، وعان تۇسىنىستىك تانىتىپ، جاۋاپ بەرۋ كەرەك. جۇمىسقا شاقىرعاندى راستاۋ ءۇشىن سىزدە تىكەلەي باسشىنىڭ نەمەسە كادر ءبولىمى قىزمەتكەرىنىڭ تەلەفون ءنومىرى بولعان ءجون. ازىق-تۇلىك دۇكەندەرى مەن ءدارىحانالار، ادەتتە، تۇرعىن ۇيلەرگە جاقىن ورنالاسادى. سوندىقتان، پوليتسيا قىزمەتكەرلەرى تۇرعىنداردىڭ قاجەتتى زاتىن ساتىپ الىپ، ۇيگە قايتقانىن باقىلاۋى مۇمكىن. وعان دا تۇسىنىستىك تانىتۋ قاجەت»، – دەدى داۋرەن اباەۆ.

سوڭعى جاڭالىقتار