27 ناۋرىز, 18:46 1252 0 قوعام انار لەپەسوۆا

ەلوردادا ساۋدا ۇيىنەن ايەل ادامنىڭ دەنەسى تابىلدى

نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتى «الەم» ساۋدا ۇيىندە قايتىس بولعان ايەل تۋرالى تۇسىنىكتەمە بەردى. 

بۇگىن الەۋمەتتىك جەلىدە «الەم» ساۋدا ورتالىعىندا ءبىر ايەلدىڭ قايتىس بولعانى تۋرالى ۆيدەوجازبا پايدا بولدى.

«27 ناۋرىز كۇنى ساعات 12.27-دە «الەم» ساۋدا ءۇيىنىڭ ءبىرىنشى قاباتتاعى پاۆيلونىندا 70 جاستاعى ايەلدىڭ ءمايىتى تابىلدى. مايىتتە ەشقانداي دەنە جاراقاتى بولماعان. ونىڭ جەكە زاتتارىن تەكسەرۋ بارىسىندا باس اينالۋدان، بۇيرەكتىڭ سوزىلمالى قابىنۋىنان، گيپەرتونيا مەن باس اۋرۋلارىنان تابلەتكالار تابىلدى»، - دەلىنگەن دەپاراتمەنتتىڭ رەسمي حابارلاماسىندا.

سونىمەن بىرگە، مارقۇمنىڭ قانت ديابەتى جانە ارتەريالدىق گيپەرتەنزيا اۋرۋلارى بويىنشا ديسپانسەرلىك ەسەپتە تۇرعاندىعى انىقتالدى.

«اتالعان فاكتى بويىنشا پوليتسيا قىزمەتكەرلەرى سوتقا دەيىنگى تەرگەۋدى باستادى. قاجەتتى سوت-مەديتسينالىق ساراپتامالار تاعايىندالدى»، - دەيدى دەپارتامەنتتىڭ ءباسپاسوز قىزمەتى جەتەكشىسىنىڭ مىندەتىن اتقارۋشى ەلميرا شاۋلەنوۆا.

 

سوڭعى جاڭالىقتار