27 ناۋرىز, 17:41 802 0 قاۋىپسىزدىك انار لەپەسوۆا

كارانتين: كوشەگە سەبەپسىز شىققاندارعا قانداي جازا قولدانىلادى؟

سۋرەت ينتەرنەتتەن الىندى
سۋرەت ينتەرنەتتەن الىندى

كارانتين ءتارتىبىن بۇزعان ازاماتتاردى جازالاۋ شارالارى كۇشەيتىلەدى. بۇل ساۋالعاي قر اقپارات جانە قوعامدىق دامۋ ءمينيسترى داۋرەن اباەۆ جاۋاپ بەردى. 

"قوعامدىق كولىكتىڭ جۇمىسى ماسەلەسىن اكىمدىكتەر پىسىقتاپ جاتىر. جاعدايعا قاراي قوعامدىق كولىك قوزعالىسى شەكتەلۋى مۇمكىن. ساياباقتار مەن اللەيالاردا پاترۋل جۇرگىزىلەدى. ازاماتتار ءۇي جانۋارلارىن تۇرعىن ءۇي ماڭىندا سەرۋەندەتە الادى. ال ەگەر ازاماتتار باسقا سەبەپتەرمەن شىقسا، الدىمەن ەسكەرتۋ جاسالادى، ودان كەيىن 26,5 مىڭ تەڭگە كولەمىندە ايىپپۇل سالىنۋى نەمەسە 15 تاۋلىككە دەيىن اكىمشىلىك قاماۋعا الىنۋى مۇمكىن", - دەدى مينيستر «حابار 24» تەلەارناسىنىڭ تىكەلەي ەفيرىندەگى مالىمدەمەسىندە.

داۋرەن اباەۆتىڭ ايتۋىنشا، پوليتسيا قىزمەتكەرلەرى حاتتاما تولتىرىپ، ءىستى سوت قارايدى. ودان بولەك، تج كەزەڭىنە بيلىك وكىلىنىڭ زاڭدى تالابىنا باعىنباعانى ءۇشىن قىلمىستىق جاۋاپكەرشىلىك كوزدەلگەن.

ەسكە سالا كەتەيىك، ەرتەڭنەن باستاپ الماتى مەن نۇر-سۇلتان قالالارىندا كارانتيندىك شارالار قاتاڭداتىلادى

سوڭعى جاڭالىقتار