27 ناۋرىز, 15:05 379 0 قوعام انار لەپەسوۆا

ۋكراينادان 76 قازاقستاندىق ەلگە جەتكىزىلدى

كوروناۆيرۋستىق ينفەكتسيانىڭ جىلدام تاراۋىنا بايلانىستى قازاقستاندىقتاردى شەت ەلدەردەن قايتارۋ جونىندەگى ءىس-شارالار شەڭبەرىندە 27 ناۋرىزدا ۋكراينادان قازاقستانعا تاعى 76 وتانداسىمىز ورالدى. 

بۇل تۋرالى قر ءسىم ءباسپاسوز قىزمەتى حابارلادى.

"وسىنداي ناتيجەگە قول جەتكىزۋ ءۇشىن ەلشىلىكتىڭ ديپلوماتتارى اۋقىمدى جۇمىس اتقارىپ، سونىڭ ىشىندە قازاقستانعا قايتاتىن ازاماتتارىمىزدىڭ ءتىزىمىن ازىرلەپ، كيەۆ – الماتى – كيەۆ باعىتىندا چارتەرلىك رەيس ۇيىمداستىرۋ ءۇشىن ءتيىمدى اۋەكومپانياسىن انىقتاۋ، قازىرگى الەمدەگى قيىن جاعدايدا لوگيستيكا ماسەلەسىن شەشۋ جانە باسقا دا كوپتەگەن ۇيىمداستىرۋ شارالارىن جۇزەگە اسىردى.

ءبىزدىڭ ۋكرايناداعى ديپلوماتتارىمىزعا ازاماتتارىمىزدىڭ يگىلىگى ءۇشىن قاجىرلى ەڭبەك ەتىپ، قويىلعان مىندەتتەردى ادال ورىنداعانى ءۇشىن، سونداي-اق قر ءسىم جەدەل شتابىنداعى ارىپتەستەرىمىزگە بۇكىل الەم بويىنشا ەلشىلىكتەر قىزمەتكەرلەرىنىڭ جۇمىسىن ءتيىمدى ۇيلەستىرگەنى ءۇشىن العىس بىلدىرەمىز", - دەلىنگەن ۆەدومستۆو اقپاراتىندا.

سوڭعى جاڭالىقتار