27 ناۋرىز, 10:12 486 0 الەۋمەت انار لەپەسوۆا

پرەزيدەنت كوروناۆيرۋستان كوز جۇمعان ايەلدىڭ تۋىستارىنا كوڭىل ايتتى

مەملەكەت باسشىسى قاسىم-جومارت توقاەۆ كوروناۆيرۋستان كوز جۇمعان ايەلدىڭ تۋعان-تۋىستارىنا كوڭىل ايتتى. 

"64 جاستاعى ايەلدىڭ كوروناۆيرۋستان قايتىس بولۋى بۇل ىندەتتىڭ اسا قاۋىپتى ءارى كارانتيندى ساقتاۋ وتە ماڭىزدى ەكەنىن كورسەتەدى. تۋعان-تۋىستارىنا كوڭىل ايتامىن", - دەپ جازدى توقاەۆ Twitter-دە.

ول ەلوردا مەن الماتىدا كارانتين شارالارىن كۇشەيتىپ، شىمكەنتتە شەكتەۋلەر ەنگىزۋ جونىندە شەشىم قابىلدانعانىن ەسكە سالىپ ءوتتى.

"وسىنداي قاجەتتى شارا قولدانۋعا ءماجبۇرمىز. ەپيدەميانى ءبارىمىز بىرگە جەڭەمىز. ودان ساباق الىپ، ءتيىستى قورىتىندى جاسايمىز", - دەدى پرەزيدەنت.

ەسكە سالا كەتەيىك، كەشە توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسى وتكەن بولاتىن. 

كوميسسيا شەشىمى بويىنشا الماتى مەن نۇر-سۇلتان قالالارىندا كارانتيندىك رەجيم كۇشەيتىلدى. شىمكەنت قالاسىندا بىرقاتار شەكتەۋلەر ەنگىزىلدى. 

 

سوڭعى جاڭالىقتار