27 ناۋرىز, 09:19 2924 0 ايماق انار لەپەسوۆا

توتەنشە جاعداي: ۇيىندە توي جاساعان قىزىلوردالىق قاماۋعا الىندى

قىزىلوردا قالاسىندا كوروناۆيرۋستان ساقتانۋ شارالارى دىبىس كۇشەيتكىش قۇرالدارى ارقىلى حابارلاندى.

ول ءۇشىن قالالىق توتەنشە جاعدايلار باسقارماسىنىڭ ارنايى جابدىقتالعان اۆتوكولىكتەرى پايدالانىلدى. ولار حالىق كوپ شوعىرلاناتىن ورىنداردا سانيتارلىق تازالىق پەن توتەنشە جاعداي كەزىندەگى جاۋاپكەرشىلىك تۋرالى ءتۇسىندىردى، دەپ حابارلايدى 24.kz. 

سونداي-اق ۆولونتەر جاستار بازارلار مەن ۆوكزالداردا تەگىن مەديتسينالىق بەتپەردە تاراتتى. بۇل شارالار ەلىمىزدە توتەنشە جاعداي جاريالانعانىنا قاراماستان كەيبىر ازاماتتاردىڭ جاۋاپكەرشىلىكتى سەزىنبەۋىنەن قولعا الىنىپ وتىر. 

"بۇگىن مىنا توتەنشە جاعداي جاريالانعان كۇننەن باستاپ 19 حاتتاما تولتىرىلعان بولاتىن. ونىڭ ىشىندە 1 تۇرعىن ۇيىندە توي وتكىزگەنى ءۇشىن جاۋاپقا تارتىلدى. قالعانى كافە، رەستورانداردىڭ جۇمىسىن بەكىتىلگەن ۋاقىتتان تىس جۇرگىزىگەنى جونىندە جانە 1 تۇرعىن زاڭ تالاپتارىنا باعىنباعاندىقتان 5 تاۋلىككە قامالىپ وتىر", - دەيدى قالا اكىمىنىڭ ورىنباسارى ميرا قازىبەكوۆا. 

سوڭعى جاڭالىقتار