26 ناۋرىز 2020, 20:49 642 0 دەنساۋلىق انار لەپەسوۆا

الماتى اۋرۋحانالارىندا 56 بالا كارانتيندە جاتىر

الماتى قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تىلەۋحان ابىلداەۆ قالاداعى ەپيدەميولوگيالىق احۋال تۋرالى باياندادى. 

ونىڭ ايتۋىنشا، جاڭادان انىقتالعان پاتسيەنتتەردىڭ ءبىرى — 25 جاستاعى ناۋقاس 21 ناۋرىزدا نيۋ-يورك - ماسكەۋ - الماتى رەيسىمەن ۇشىپ كەلگەن.

«ال قالعان ادامدار كۆي راستالعان ادامدارمەن بايلانىستا بولعاندار. بارلىق پاتسيەنتتەردىڭ جاي-كۇيى قاناعاتتانارلىق. قالالىق كلينيكالىق جۇقپالى اۋرۋلار اۋرۋحانالارىندا قازىر 40 پاتسيەنت بار، ونىڭ ىشىندە ەكەۋى – بالا. 38 پاتسيەنتتىڭ جاي-كۇيى – قاناعاتتانارلىق، 1 بالانىڭ جاعدايى ورتاشا دارەجەدە، بىرەۋىندە – جاعدايى اۋىر، ەنتىگۋىنە بايلانىستى وكپەنى جاساندى جەلدەتۋ اپپاراتىندا جاتىر. بۇگىندە پروۆيزورلىق گوسپيتالداردا كارانتيندە 938 ازامات، ونىڭ ىشىندە 56 بالا بار. كارانتيندەگى بارلىق ادامنىڭ تەمپەراتۋراسى قالىپتى جاعدايدا»، - دەدى تىلەۋحان ابىلداەۆ.

ايتا كەتەيىك، بۇعان دەيىن ەلىمىزدە كوروناۆيرۋستان ءبىر ادامنىڭ كوز جۇمعانى حابارلاندى.

 

سوڭعى جاڭالىقتار