26 ناۋرىز, 15:02 4031 0 قاۋىپسىزدىك انار لەپەسوۆا

الماتىدا بلوكبەكەتتى بۇزىپ وتپەك بولعان 70 ادام تۇتقىندالدى

الماتىدا توتەنشە جاعداي رەجيمىن بۇزعاندارعا قاتىستى 120 اكىمشىلىك ءىس قارالدى. بۇل تۋرالى قالالىق سوتتىڭ ءباسپاسوز قىزمەتى حابارلادى. 

«26 ناۋرىزداعى جاعداي بويىنشا، الماتى اكىمشىلىك ىستەر بويىنشا اۋدانارالىق مامانداندىرىلعان سوتى 120 اكىمشىلىك ءىس قاراعان. كارانتين ايماعىنىڭ شەكاراسىن بۇزباق بولعان 111 ادام اكىمشىلىك جاۋاپكەرشىلىككە تارتىلدى. ولاردىڭ 70-ءى 5 تاۋلىكتەن 10 تاۋلىككە دەيىن قاماۋعا الىنسا، 41 قۇقىقبۇزۋشىعا 10 اەك مولشەرىندە ايىپپۇل سالىندى»، - دەدى ءباسپاسوز قىزمەتىنەن.

كارانتين مەرزىمىندە كاسىپكەرلىكپەن اينالىسقان 9 تۇلعانىڭ ەكەۋى 5 تاۋلىككە قامالسا، قالعان 7 ادامعا اكىمشىلىك ايىپپۇل سالىندى.

اكىمشىلىك جازاعا تارتىلعانداردىڭ ىشىندە «ۆوسحود» ساۋدا ءۇيى، «ەميل» مەيرامحاناسى، «تسەنتر شاشلىكا» مەيرامحاناسى، «Barbeque» ءدامحاناسى، «Loto Club» ويىن زالى، «مەچتا ماركەت» جشس، «Genەsys» ويىن كلۋبى، «Ultimate» ويىن كلۋبى بار.

 

سوڭعى جاڭالىقتار