25 ناۋرىز, 14:31 338 0 جاڭالىقتار اسىل تۇمار

دەزينفەكتسيالاۋ جۇمىستارىنا ساربازدار دا تارتىلدى

كارانتينگە جابىلعان الماتى قالاسىندا ۇزدىكسىز دەزينفەكتسيالاۋ جۇمىستارى جۇرگىزىلۋدە. قالانىڭ تازارتۋ جۇمىستارىنا الماتى گارنيزونىنىڭ كۇشتەرى تارتىلدى.

ولار ءبىرىنشى كەزەكتە جالپى كولەمى 60 گەكتار بولاتىن قالانىڭ جەتى ءىرى بازارلارىن دەزينفەكتسيالادى. بۇل جۇمىسقا 317 سارباز جۇمىلدىرىلدى. وعان قوسا 11 بىرلىك ارنايى تەحنيكا مەن وڭدەۋ جۇمىسىنا كيىلەتىن 151 كيىم جيىنتىعى بەرىلدى. 49 توننا ارنايى سۋ ەرىتىندىسى جۇمسالدى.

گارنيزون قىزمەتكەرلەرى كارانتيندىك باقىلاۋدا تۇرعان 13 مەديتسينالىق ۇيىمعا سانيتارلىق وڭدەۋ جۇرگىزبەك. بۇل جۇمىسقا 320 اسكەري قىزمەتشى جۇمىلدىرىلادى.

ايتا كەتەيىك، قالالىق تۇرعىن ءۇي ساياساتى باسقارماسى كۇنىنە ەكى ۋاقىت مەگاپوليستەگى جولداردى جۋدى ۇيىمداستىرۋدا. بۇل جۇمىستارعا سۋارىپ جۋاتىن 90 كولىك، تروتۋار جينايتىن 54 ماشينا مەن 962 جول جۇمىسشىلارى جۇمىلدىرىلدى. سونداي-اق قوسىمشا 112 ادام قوقىس جاشىكتەرىن، ورىندىقتار مەن ايالدامالاردى دەزينفەكتسيالاۋمەن اينالىسۋدا.

سونىمەن قاتار، بۇگىن ساعات 9.00-دەن باستاپ 32 بريگادا كوپپاتەرلى تۇرعىن ۇيلەردىڭ كىرەبەرىستەرىن زالالسىزداندىرۋدى باستاعانىن جازعان بولاتىنبىز. 8633 كىرەبەرىس (2868 ءۇي) پەن 1441 اۋلانى وڭدەۋ جوسپارلانۋدا.

سوڭعى جاڭالىقتار