25 ناۋرىز 2020, 13:58 1600 0 جاڭالىقتار اسىل تۇمار

ۇيدەن شىقپاڭىز: بۇگىن پودەزدەردى دەزينفەكتسيالاۋ جۇمىسى باستالدى

سۋرەت عالامتوردان الىندى
سۋرەت عالامتوردان الىندى

25 ناۋرىزدان باستاپ الماتى اكىمدىگى قالاداعى تۇرعىن ۇيلەردىڭ پودەزدەرىن دەزينفەكتسيالاۋ جۇمىسىن باستادى.

«قالالىق تۇرعىن ءۇي ساياساتى باسقارماسى قالا جولدارىن كۇنىنە 2 رەت جۋدى جوسپارلاپ وتىر. ول ءۇشىن 90 جۋ تەحنيكاسى، 54 تروتۋار جيناۋ تەحنيكاسى، 962 جۇمىسكەر جۇمىلدىرىلدى. تاعى 112 ادام ۋرنالار، ورىندىقتار مەن ايالدامالاردى زارارسىزداندىرۋمەن اينالىسادى»، – دەپ حابارلادى الماتى اكىمدىگىنەن.

بۇگىن 25 ناۋرىزدا تاڭعى 9.00-دەن باستاپ 32 بريگادا پودەزدەردى جۋدى باستادى. بارلىعى 2 868 ءۇيدىڭ 8 633 پودەزى مەن 1 441 اۋلاسىن زارارسىزداندىرۋ جوسپاردا بار.

«جۇمىس باستاماس بۇرىن دىبىس زورايتقىش ارقىلى جاريالانادى. وڭدەۋدەن سوڭ ءار پودەزگە كەزەكتى وڭدەۋ گرافيگى ىلىنەدى. بۇگىن سونىمەن قاتار، ەسەنتاي، ۇلكەن الماتى جانە تەرەنكۋر وزەندەرىنىڭ جاعالاۋى وڭدەلەدى»، – دەدى باسقارمادان.

سوڭعى جاڭالىقتار