25 ناۋرىز, 10:30 630 0 جاڭالىقتار اسىل تۇمار

جامبىل وبلىسىندا كوروناۆيرۋس جۇقتىرعان اداممەن بايلانىستا بولعاندار كارانتينگە جابىلدى

سۋرەت عالامتوردان الىندى
سۋرەت عالامتوردان الىندى

جامبىل وبلىستىق اكىمدىكتىڭ ءباسپاسوز قىزمەتى وڭىردە كوروناۆيرۋس ينفەكتسياسىن جۇقتىرۋدىڭ العاشقى دەرەگى تىركەلىپ، ناۋقاسپەن بايلانىستا بولعان بارلىق ادام كارانتينگە الىنعانىن ايتتى.

بەلگىلەنگەن الگوريتمگە سايكەس جاۋاپتى قىزمەتتەردىڭ بەلسەندى ارەكەتتەرىنىڭ ناتيجەسىندە اۋىرعان ادام ستاتسيونارلىق كارانتينگە وقشاۋلانىپ، دارىگەرلەردىڭ باقىلاۋىنا الىنعان.

ناۋقاسپەن بايلانىستا بولعان ادامدار انىقتالىپ، ولار دا كارانتينگە جابىلدى.

«تولىق اقپارات ساعات 10.00-دە ارنايى بريفينگ ارقىلى جۇرتشىلىققا جەتكىزىلەدى. تىكەلەي ەفيردى «حابار 24» ارناسىنان كورۋلەرىڭىزگە بولادى. بارشاڭىزدان سابىرلىق تانىتۋدى سۇرايمىز. بارلىق جاعداي باقىلاۋدا»، – دەلىنگەن حابارلامادا.

سونداي-اق، ۆەدومستۆو الەۋمەتتىك جەلى مەن مەسسەندجەردە جالعان اقپاراتتىڭ تارالۋىنا بايلانىستى تۇرعىنداردى راستالماعان حابارلاماعا سەنبەۋگە جانە جىبەرمەۋگە شاقىرادى. ول ءۇشىن قىلمىستىق جاۋاپكەرشىلىك كوزدەلگەن.

ەسكە سالا كەتسەك، جامبىل وبلىسىندا كوروناۆيرۋس جۇقتىرعان ادام 1979 جىلعى ەر ازامات ەكەنى بەلگىلى بولدى. ول وڭىرگە قىرعىزستاننان كەلگەن.

سوڭعى جاڭالىقتار