24 ناۋرىز, 18:44 2437 0 جاڭالىقتار اسىل تۇمار

كوروناۆيرۋس: الماتىدا 15 اۋرۋ وشاعى انىقتالدى

سۋرەت عالامتوردان الىندى
سۋرەت عالامتوردان الىندى

الماتى قالالىق اكىمدىگى كوروناۆيرۋس ينفەكتسياسىنا بايلانىستى ەپيدەميولوگيالىق احۋال تۋرالى اقپارات تاراتتى.

قۇزىرلى ورگانداردىڭ حابارلاۋىنشا، قازىر الماتىدا ينفەكتسيا جۇقتىرعان 29 ادام انىقتالدى.

«پاتسيەنتتەردىڭ بارلىعى جۇقپالى اۋرۋلار اۋرۋحاناسىندا جاتىر. جاعدايى قاناعاتتانارلىق، دەنە قىزۋى جوق. ەكەۋىنىڭ جاعدايى – ورتاشا. بىراق ناشارلاۋ بەلگىلەرى جوق. الماتىداعى پروۆيزورلىق ەمحانالاردا 672 ادام قارالىپ جاتىر، 598 ادام كارانتينگە وقشاۋلانعان. ءۇي كارانتينىندە 1549 ادام جاتىر»، – دەدى اكىمدىكتەن.

الماتىدا 15 اۋرۋ وشاعى انىقتالعان.

الاتاۋ اۋدانىندا – 2 وشاق: «زاريا ۆوستوكا» شاعىن اۋدانى، سارى-وي كوشەسى، 234; «اككەنت» شاعىن اۋدانى، 7.

المالى اۋدانىندا – 4 وشاق: جەلتوقسان، 125; بايتۇرسىنوۆ، 78/1; جاروكوۆ، 16; جاروكوۆ، 7.

مەدەۋ اۋدانىندا – 3 وشاق: زەنكوۆ، 59; دوستىق، 162; گوگول، 75.

جەتىسۋ اۋدانىندا – 2 وشاق: ەڭلىكگۇل، 34ا; ۆولوچاەۆسكايا، 51.

تۇركسىب اۋدانىندا – 4 وشاق: «التاي-1» شاعىن اۋدانى، 8; «جاس قانات» شاعىناۋدانى، 86, مايلين كوشەسى، 77; سپاسسكايا كوشەسى، 63 مەكەنجايلارىنان اۋرۋ تابىلدى.

قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ حابارلاۋىنشا، بارلىق اۋرۋ وشاقتارىندا ەپيدەمياعا قارسى پروفيلاكتيكالىق شارالار كۇشەيتىلدى. دارىگەرلەر وشاق ايماعىندا تۇراتىن تۇلعالاردىڭ دەنساۋلىعىن تەكسەرىپ جاتىر.

سوڭعى جاڭالىقتار