24 ناۋرىز, 15:16 219 0 جاڭالىقتار اسىل تۇمار

8 ساۋىردەن باستاپ ۋحان قالاسىنداعى كارانتين الىنادى

سۋرەت عالامتوردان الىندى
سۋرەت عالامتوردان الىندى

8 ساۋىردەن باستاپ ۋحان قالاسىنا (ورتالىق قىتاي، حۋبەي پروۆينتسياسى) كىرىپ-شىعۋعا قويىلعان شەكتەۋ الىنادى، – دەپ جازدى قازاقپارات.

سەيسەنبى كۇنى جاريالانعان حۋبەي پروۆينتسياسى دەنساۋلىق ساقتاۋ ءىسى جونىندەگى مەملەكەتتىك كوميتەتتىڭ قۇجاتىندا: «8 ءساۋىر ساعات 00:00-دەن باستاپ ۋحان قالاسىندا ترانزيتتىك جولدارمەن جۇرۋگە قويىلعان شەكتەۋ الىنىپ، كولىك قۇرالدارىنىڭ كىرۋىنە جانە شىعۋىنا رۇقسات ەتىلەدى. ۋحاننان كەتىپ بارا جاتقان ادامدار جاسىل «دەنساۋلىق كودىنا» سايكەس جۇرە الادى»، – دەلىنگەن.

مۇنداي ەرەجە حۋبەي پروۆينتسياسىندا 25 ناۋرىز تۇننەن باستالادى. ەسكە سالايىق، 23 قاڭتاردا 11 ملن تۇرعىنى بار ۋحان قالاسىندا كوروناۆيرۋس ەپيدەمياسىنا بايلانىستى قاتاڭ كارانتين ەنگىزىلدى. قازىرگى ۋاقىتتا قىتايدىڭ اتالعان مەگاپوليسىندە اۋرۋ جۇقتىرعاندار سانى 50 مىڭنان استى، 2 524 ادام قايتىس بولدى.

سوڭعى جاڭالىقتار