24 ناۋرىز, 14:30 239 0 جاڭالىقتار اسىل تۇمار

كوروناۆيرۋس: مونيتورينگ جۇيەسى ىسكە قوسىلدى

سۋرەت عالامتوردان الىندى
سۋرەت عالامتوردان الىندى

قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن «ۇلتتىق اقپاراتتىق تەحنولوگيالار» اق مەن دەنساۋلىق ساقتاۋ مينيسترلىگى بىرلەسىپ، كوروناۆيرۋس بويىنشا جاعدايعا مونيتورينگ جۇرگىزىپ وتىراتىن قىزمەتتى ىسكە قوستى، دەپ جازدى coronavirus2020.kz.

ازاماتتار www.egov.kz پورتالىندا ورنالاستىرىلعان ينتەراكتيۆتى كارتادان ۆيرۋس جۇقتىرعاندار سانى جانە ولارمەن بايلانىستا بولعان ازاماتتاردى تىركەۋ، ازامات ۇيدە نەمەسە ستاتسيونارلىق كارانتيندە بولۋى مۇمكىن قاۋىپتى ايماقتار تۋرالى اقپاراتپەن تانىسا الادى.

سونداي-اق، كوروناۆيرۋستى جۇقتىرۋدىڭ راستالعان جاعدايلارى بويىنشا وزەكتى اقپارات جاريالانادى. بۇل سەرۆيس كوروناۆيرۋس ىندەتىمەن كۇرەسىپ جاتقان وزگە ەلدەردىڭ (قىتاي، سينگاپۋر، كورەيا، يزرايل) ۇلگىسىندە جاسالدى جانە حالىقتىڭ جاۋاپكەرشىلىگىن ارتتىرۋعا، گيگيەنا شارالارىن كۇشەيتۋگە، كارانتين رەجيمىن ساقتاۋعا باعىتتالعان.

قر دەنساۋلىق ساقتاۋ مينيسترلىگى ينفەكتسيانىڭ تارالۋىنا جول بەرمەۋ جانە الدىن الۋ ءۇشىن ازاماتتارعا قالا ىشىندە ءجۇرىپ-تۇرۋدى شەكتەۋدى جانە كارانتين كەزىندە ۇيدە وتىرۋدى ۇسىنادى.

كارتادا ورنالاستىرىلعان بارلىق دەرەكتەر قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اقپاراتتىق جۇيەلەرىنەن ناقتى ۋاقىت رەجيمىندە الىنادى.

جاقىن ارادا وسىنداي سەرۆيستىڭ eGovMobile موبيلدىك قوسىمشاسىندا پايدا بولادى. سونداي-اق، eGov پورتالىندا ينتەراكتيۆتى كارتامەن بىرگە كوروناۆيرۋس بويىنشا ءجيى قويىلاتىن سۇراق-جاۋاپ بازاسى ورنالاسقان.

سوڭعى جاڭالىقتار