23 ناۋرىز, 19:11 9653 0 زاڭ انار لەپەسوۆا

ەلورداعا 50 مىڭ تەڭگەگە جولسىزبەن جولاۋشى تاسىمالداعان جۇرگىزۋشى ۇستالدى

30 جاستاعى جۇرگىزۋشى نۇر-سۇلتان ماڭىنداعى قاداعالاۋ بەكەتىن اينالىپ ءوتىپ، جولاۋشى تاسىمالداعان، دەپ حابارلايدى Tengrinews.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

ساعات 17:30-دا قاراعاندىعا باراتىن دالا جولدا نۇر-سۇلتان قالاسىنىڭ تۇرعىنى ۇستالدى. ول Renault Logan ماركالى كولىگىمەن قاداعالاۋ بەكەتىن اينالىپ ءوتىپ، 50 مىڭ تەڭگەگە جولاۋشى تاسىمالداعان.

«جۇرگىزۋشىگە قاتىستى قر اكىمشىلىك كودەكسىنىڭ 476 بابى بويىنشا اكىمشىلىك حاتتاما تولتىرىلىپ، ءىس نۇر-سۇلتان قالاسىنداعى مامانداندىرىلعان اۋدانارالىق اكىمشىلىك سوتىنا جىبەرىلدى. ونىڭ كولىگى ارنايى اۆتوتۇراققا قويىلدى»، – دەلىنگەن حابارلامادا.

پوليتسيا قىزمەتكەرلەرى ەلدە توتەنشە جاعداي جاريالانعانىنا قاراماستان وسىنداي زاڭسىز ارەكەتكە بارعان جۇرگىزۋشىلەردى انىقتاۋدى جالعاستىرادى.

سوڭعى جاڭالىقتار