23 ناۋرىز, 17:54 2891 0 ءبىلىم انار لەپەسوۆا

6 ساۋىردەن باستاپ قازاقستاندىق وقۋشىلار قاشىقتان ءبىلىم الادى

2020 جىلدىڭ 6 ساۋىرىنەن باستاپ قازاقستاندىق مەكتەپتەر قاشىقتان وقىتۋعا كوشەدى. بۇل تۋرالى قر اقپارات جانە قوعامدىق دامۋ ءمينيسترى داۋرەن اباەۆ مالىمدەدى. 

ء"بىلىم جانە عىلىم مينيسترلىگى ۇيىمداستىرۋ جاعىن قاراستىرىپ جاتىر. بۇل تۋرالى بارلىق اقپاراتتى جاقىن ۋاقىتتا حابارلايمىز. سوندىقتان تۇسىنىستىك تانىتىپ، رەسمي مالىمدەمەنى كۇتۋدى سۇرايمىز. قازىر مەكتەپتەر مەن مۇعالىمدەردى سۇراقتىڭ استىنا الىپ، ايىپتاۋدىڭ رەتى جوق. بۇل ماسەلە ۇكىمەتتىڭ قۇزىرەتىندە. ءبىز بارلىعىن الدىنا الا حابارلايمىز. "ەلارنا" مەن "بالاپان" تەلەارنالارىنان وقۋشىلارعا ارنالعان ۆيدەو ساباقتار كورسەتىلەدى. الايدا، بۇل نەگىزگى ەمەس، قوسىمشا شارا. اتالعان ۆيدەو ساباقتاردى ءبىلىم جانە عىلىم مينيسترلىگى دايىنداعان. ولار "بالاپان" تەلەارناسىندا قازاق تىلىندە، "ەلارنادا" ورىس تىلىندە كورسەتىلەدى", - دەدى مينيستر.

ايتا كەتەيىك، سوڭعى مالىمەتتەر بويىنشا ەلىمىزدە 62 ناۋقاس تىركەلدى. نۇر-سۇلتان قالاسى بويىنشا 32 ادام، الماتى قالاسىندا – 26, قاراعاندى قالاسىندا - 2, الماتى وبلىسىندا - 1 ادام، اقتوبە وبلىسىندا - 1 ادام، جالپى 62 ناۋقاس بار.

سوڭعى جاڭالىقتار