23 ناۋرىز, 16:52 295 0 دەنساۋلىق انار لەپەسوۆا

قازاقستانعا كوروناۆيرۋستى انىقتايتىن 250 مىڭ تەست جەتكىزىلەدى

ەلىمىزگە كوروناۆيرۋستى انىقتاۋعا ارنالعان 250 مىڭ تەست جەتكىزىلەدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە قر اقپارات جانە قوعامدىق دامۋ ءمينيسترى داۋرەن اباەۆ مالىمدەدى. 

«مەملەكەت باسشىسى اقپاراتتى ءبىر ورتالىقتان تاراتۋدى تاپسىردى. بۇل جۇمىسقا جاۋاپتى بولىپ ءبىزدىڭ مينيسترلىك بەكىتىلدى. سوندىقتان الداعى ۋاقىتتا ءبىز سىزدەرگە مەملەكەتتىك كوميسسيا، ۇكىمەت، ورتالىق مەملەكەتتىك ورگاندار اتقارىپ جاتقان شارالار تۋرالى تۇراقتى تۇردە حابارلاپ وتىرامىز. بىراق، بۇل جۋرناليستەردىڭ جەرگىلىكتى اتقارۋشى ورگاندارمەن قالىپتاسقان جۇمىسىنا كەدەرگى كەلتىرمەيدى. دەنساۋلىق ساقتاۋ باسقارمالارى قاجەتتى بولعان كەزدە سىزدەرمەن بۇرىنعىداي بايلانىستى بولادى»، - دەدى مينيستر.

ونىڭ دەرەگىنشە، بۇگىندە ەلىمىزدە كوروناۆيرۋس جۇقتىرۋدىڭ 62 جاعدايى تىركەلگەن.

«بۇگىندە ەلىمىزدە 60 مىڭ تەست بار. تاياۋ كۇندەرى ءبىزدىڭ قولىمىزعا تاعى دا 150 مىڭ تەست تۇسەدى. كەلىسىمشارت جاساسۋ كەزەڭىندە تۇر. تاعى دا 100 مىڭ تەست دەمەۋشىلەردىڭ قاراجاتى ەسەبىنەن ساتىپ الىنادى. حالىق ءۇشىن تەست تەگىن جۇرگىزىلەدى»،- دەدى داۋرەن اباەۆ.

 

سوڭعى جاڭالىقتار