23 ناۋرىز, 14:46 2052 0 قاۋىپسىزدىك انار لەپەسوۆا

مەملەكەت باسشىسى: قازاقستاندىق ينتەرنەت-رەسۋرستار تەگىن بولۋى ءتيىس

قازاقستاندىق بارلىق ينتەرنەت-رەسۋرستاردىڭ قولجەتىمدىلىگى تەگىن بولۋى قاجەت. بۇل تۋرالى اقوردادا توتەنشە جاعداي جونىندەگى مەملەكەتتىك كوميسسيانىڭ وتىرىسىندا قر پرەزيدەنتى قاسىم-جومارت توقاەۆ ايتتى. 

«كارانتين ەنگىزىلۋىنە بايلانىستى ءبىز حالىقتى ۇيلەرىندە بولۋعا شاقىردىق. قاشىقتان جۇمىس ىستەۋ ادامداردى ءموبيلدى تەحنولوگيالاردى بارىنشا بەلسەندى پايدالانۋىنا تۇرتكى بولادى. وسىعان بالانىستى توتەنشە جاعداي رەجيمى قولدانىستاعى كەزەڭدە ءموبيلدى بايلانىستى پەن ينتەرنەت قولجەتىمدىلىگىن اسىرەسە، ءبىلىم بەرۋ رەسۋرستارىنا، الەۋمەتتىك جەلىلەر مەن مەسسەندجەرلەرگە كەڭەيتۋدى تاپسىرامىن»، - دەدى قازاقستان پرەزيدەنتى.

مەملەكەت باسشىسى توتەنشە جاعداي رەجيمى كەزىندە قارىز پايدا بولعان كەزدىڭ وزىندە بايلانىس قىزمەتتەرىن ۇسىنۋ جالعاسا بەرۋى كەرەكتىگىن باسا ايتتى.

«قازاقستاندىق بارلىق ينتەرنەت-رەسۋرستاردىڭ قولجەتىمدىلىگى تەگىن بولۋى ءتيىس. بۇعان دەيىن مەن كارانتين كەزەڭىندە حالىققا كوممۋنالدىق قىزمەتتەر تولەمىن تومەندەتۋ بويىنشا تاپسىرما بەرگەن ەدىم. الماتى جەدەل ارەكەت ەتىپ، تيىسىنشە شەشىم قابىلدادى. ەندى مەملەكەتتىك كوميسسيا جالپىرەسپۋبليكالىق جۇيەلى شارالار ازىرلەۋى قاجەت. تولىقتاي العاندا، قازاقستان حالقى بىزدەن وسىناۋ شارالاردى كۇتىپ وتىر. بۇگىن ازاماتتارعا مەنىڭ تاپسىرمالارىمدى تانىستىرۋعا جانە ولاردى جۇزەگە اسىرۋعا شۇعىل كىرىسۋگە تاپcىرامىن»، - دەدى قاسىم-جومارت توقاەۆ.

 

سوڭعى جاڭالىقتار