23 ناۋرىز, 11:54 373 0 دەنساۋلىق انار لەپەسوۆا

قازاقستاندىق قارتتارعا ازىق-تۇلىك قورجىنى جەتكىزىلەدى

RG Brands كومپانياسىنىڭ ونىمدەرى بار 5 مىڭ قورجىن قازاقستاننىڭ 18 قالاسىنداعى جاسى ۇلعايعان ادامدارعا جەتكىزىلەدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى. 

كومپانيا ونىمدەرىن قارتتارعا جەتكىزۋ جۇمىستارىمەن اينالىساتىن ەرىكتىلەر توبى قورجىنداردى ءۇيدى-ۇيگە بايلانىسسىز ادىسپەن جەتكىزبەك.  

«ءسىز ۇيدە قالىڭىز. ءبىز سىزدەردى جاقسى كورەمىز جانە ايالايمىز» دەي وتىرىپ، وسى باستامانى قولعا الىپ جاتىرمىز. سOVID-19 پاندەمياسىنان اعا ۇرپاقتى ساقتاپ قالۋ جاعىنا ەرەكشە نازار اۋدارۋ قاجەت دەپ سانايمىز. كارانتين جانە شەكتەۋلى قوزعالىس كەزىندە ءبىز سىزدەردى قورعاپ، سىزدەردىڭ دەنساۋلىقتارىڭىزعا قامقورلىق جاساعىمىز كەلەدى»، — دەيدى كومپانيا وكىلدەرى.

ۇلىستىڭ ۇلى كۇنى، قازاقتىڭ جاڭا جىلى – ءاز-ناۋرىز مەيرامى كەزىندە ادامدار ءبىر-ءبىرىنىڭ ۇيىنە قوناققا بارۋى كەرەك. بىراق وسى جىلعى مەرەكەنى تەك وتباسى اياسىندا عانا اتاپ وتۋگە تۋرا كەلدى. ءتىپتى، كوپتەگەن جاندار ەڭ جاقىن ادامدارىنا تەك قوڭىراۋ سوعۋمەن عانا شەكتەلىپ وتىر. وسىنداي جاعدايدا اتالمىش كومپانيا قاشىقتان بولسا دا قارتتارعا جىلۋ مەن قامقورلىق سىيلاۋدى ءجون كورىپتى.

كومپانيا قىزمەتكەرلەرى قارتتارعا الدىن الا قوڭىراۋ شالىپ، ءسۇت، شاي، سۋ جانە شىرىن سياقتى ونىمدەردى بايلانىسسىز ادىسپەن جەتكىزىپ بەرەدى.

كومپانيا ەلىمىزدەگى ءتۇرلى قاۋىمداستىقتار مەن بەلسەندى ادامداردى قارتتارعا جاقسىلىق جاساۋ ەستافەتاسىن قولداۋعا شاقىرادى.

سوڭعى جاڭالىقتار