23 ناۋرىز, 10:19 2172 0 دەنساۋلىق انار لەپەسوۆا

نۇر-سۇلتان اۋەجايىندا شەتەلدەن ورالعان قازاقستاندىق كوز جۇمدى

ەلوردا اۋەجايىندا ۆەتنامنان ورالعان قازاقستاندىق تۋريستەردىڭ ءبىرى قايتىس بولدى. ەر ادامنىڭ ولىمىنە جۇرەك اۋرۋى سەبەپ بولعان.

قازاقستان ازاماتى ەلگە كەشە كەشكى ۋاقىتتا وزگە تۋريستەرمەن بىرگە ماسكەۋ ارقىلى ورالعان. بۇل تۋرالى Sputnik قازاقستان حابارلادى.

ەر ادام تولقۇجاتتىق باقىلاۋدان ءوتىپ جاتقان كەزدە، ونىڭ جۇرەگى ۇستاپ قالعان. وقيعا كۋاگەرلەرىنىڭ ايتۋىنشا، ازامات تالما اۋرۋى كەزىندەگىدەي قاتتى دىرىلدەپ كەتكەن.

"ەر ادامنىڭ جاعدايى كەنەتتەن ناشارلاپ كەتتى. ول تۋرا تالما اۋرۋى كەزىندەگى سياقتى قاتتى دىرىلدەپ كەتتى. وعان العاشقى كومەك كورسەتۋگە تىرىسقانىمەن، ول ءجۇرىپ كەتتت" ، - دەدى كۋاگەرلەردىڭ ءبىرى.

قازاقستاندىقتىڭ قايتىس بولعانى تۋرالى اقپاراتتى ەلوردالىق دەنساۋلىق ساقتاۋ باسقارماسى راستادى.

دارىگەرلەردىڭ ايتۋىنشا، جەدەل جاردەم قىزمەتكەرلەرى وقيعا ورنىنا حاباردى الا بەرگەن بويدا سەگىز مينۋتتان كەيىن كەلىپ جەتكەن. الايدا، ەر ادام ولار كەلگەنشە كوز جۇمعان. سوت-مەديتسينالىق ساراپشىلار قايعىلى جاعدايدىڭ ورىن الۋىنا ناقتى نە سەبەپ بولعانىن انىقتاۋى ءتيىس. ولارعا مارقۇمنىڭ دەنەسى جەتكىزىلدى.

ەر اداممەن بىرگە ۇشىپ كەلگەن جولاۋشىلار ودان كوروناۆيرۋس بەلگىلەرى مۇلدەم بايقالماعانىن العا تارتتى.

مارقۇم ۇشىپ كەلگەن اۋەكومپانيا وكىلدەرى قايعىلى وقيعاعا قاتىستى پىكىر ءبىلدىردى. "سكات" قىزمەتكەرلەرى ۇشۋ بارىسىندا قازاقستاندىق ءوزىن جاقسى سەزىنگەنىن جانە ەشبىر بورتسەرىككە اۋىرىپ تۇرعانىن ايتىپ جۇگىنبەگەنىن مالىمدەدى. وعان قوسا، ازامات جالعىز ۇشىپ كەلمەگەنى بەلگىلى بولدى.

 

سوڭعى جاڭالىقتار