28 قىركۇيەك, 14:15 372 0 جاڭالىقتار اسىل تۇمار

باۋىرجان بايبەك الماتىداعى ۇەۇ وكىلدەرىمەن كەزدەستى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك الماتىعا كەلدى. بۇل تۋرالى ول فەيسبۋكتەگى پاراقشاسىندا جازدى.

– الماتىعا كەلدىم. قالا جۇرتشىلىعى جانە ۇكىمەتتىك ۇيىم وكىلدەرىمەن كەزدەستىم. باس قوسۋدا مەملەكەت باسشىسى ق. توقاەۆتىڭ جولداۋىن ىسكە اسىرۋدىڭ نەگىزگى باعىتتارىن تالقىلادىق. سونداي-اق پرايمەريزدىڭ وزەكتى ماسەلەلەرى مەن «Nur Otan» پارتياسىنىڭ سايلاۋالدى باعدارلاماسى اياسىندا قالانى تاياۋداعى 5 جىلدا دامىتۋ بويىنشا ۇسىنىستاردى قاراستىردىق.



وزدەرىڭىز بىلەتىندەي، پارتيا ليدەرى ن.نازارباەۆتىڭ تاپسىرماسىمەن پارتياىشىلىك پرايمەريز تۇڭعىش رەت رەسپۋبليكالىق اۋقىمدا ءوتىپ جاتىر. الماتىدا كانديدات رەتىندە 200-دەن استام قالالىق تىركەلگەن، ونىڭ 35%-ى - ايەلدەر، 30%-دان استامى – 35 جاسقا دەيىنگى جاستار.

اسىرەسە، شاعىن جانە ورتا بيزنەس، سونداي-اق ۇكىمەتتىك ەمەس ۇيىمدار وكىلدەرى ەرەكشە بەلسەندىلىك تانىتتى، ولار 50 پايىزدى قۇرايدى. الماتىدا ورتاشا العاندا، ءبىر ورىنعا 8 ادام ۇمىتتەنۋدە.



قازىرگى كەزدە قالادا 3 مىڭداي ءار ءتۇرلى كەزدەسۋلەر مەن پىكىرسايىستار وتكىزىلدى. قالالىق سايلاۋالدى باعدارلامانى جەتىلدىرۋ بويىنشا 300-دەي ناقتى ۇسىنىستار جيناقتالدى. ولاردىڭ 41%-ى الەۋمەتتىك بلوكقا، 21,5%-ى – ينفراقۇرىلىمدى دامىتۋ مەن ەكولوگياعا، 12,5%-ى – ەكونوميكا مەن جۇمىسپەن قامتۋعا قاتىستى بولدى.

جالپى، ەلباسىنىڭ تاپسىرماسى بويىنشا ءاربىر ءوڭىر، قالا جانە اۋدان بويىنشا سايلاۋالدى باعدارلامالارىمىز تۇرعىنداردىڭ پىكىرىن جانە پرەزيدەنتتىڭ قازاقستان حالقىنا جولداۋىندا قويىلعان مىندەتتەردى ەسكەرە وتىرىپ، پىسىقتالاتىن بولادى.



مىسالى، الماتى سايلاۋالدى باعدارلاماسىنىڭ جوباسىندا تۇرعىنداردىڭ وتىنىشتەرى نەگىزىندە قالانىڭ ەكولوگيالىق احۋالىن جاقسارتۋ جانە كوگالداندىرۋ، قوعامدىق ورتا مەن الەۋمەتتىك ينفراقۇرىلىمدى دامىتۋ بويىنشا جەكەلەگەن شارالار كوزدەلەدى. سونداي-اق الماتىلىقتاردى تولعاندىرىپ وتىرعان وزگە دە ماسەلەلەر كورىنىس تاباتىن بولادى. قالالىق سايلاۋالدى باعدارلامانىڭ جوباسىمەن Primaries.kz سايتىندا تانىسىپ، ۇسىنىس بەرۋگە بولادى.

الماتىنى ءارى قاراي وركەندەتۋ بويىنشا مەجەلەنگەن ماقساتتار تىعىز ىنتىماقتاسۋ مەن قالالىقتاردىڭ قولداۋىنىڭ ارقاسىندا ىسكە اساتىنىنا سەنىمدىمىن.

وسى ورايدى پايدالانا وتىرىپ، بارشا الماتىلىقتاردى وتكەن قالا كۇنىمەن قۇتتىقتايمىن! بارشاڭىزعا مول تابىس، مىقتى دەنساۋلىق جانە الماتىلىق اقجارقىن كوڭىل-كۇي تىلەيمىن!

سوڭعى جاڭالىقتار