28 Qyrkúıek, 14:58 503 0 Jańalyqtar Asyl TUMAR

Qus tumaýy adamǵa juǵa ma?

QR Jumyrtqa óndirýshiler qaýymdastyǵy elimizdiń birqatar oblysynda qus tumaýynyń taralýyna baılanysty tutynýshylar bilýi tıis negizgi faktilerdi atady.

«Qus tumaýynyń jaǵdaıy baqylaýǵa alynady dep úmittenemiz. Qazirgi ýaqytta jeke aýlalardaǵy qustardy tumaýǵa qarsy vakınaııalaý júrgizý qajet. Sondaı-aq, buryn tumaýǵa qarsy vakınaııalaý júrgizbegen qus fabrıkalar úshin vakınalar bólý kerek. Óıtkeni bul aýrýdyń sońǵy órshýi Qazaqstanda 2005 jyly tirkelgen bolatyn. Sonymen qatar, qus fabrıkalarynyń bankrotqa ushyraýyna jáne jeke qosalqy sharýashylyqtardyń zalal shegýine jol bermeý úshin kásiporyndardyń, qustardyń ólim-jitimi oryn alǵan jeke adamdardyń shyǵyndarynyń ornyn toltyrý máselelerin qarastyrý qajet dep sanaımyz», – dedi Qazaqstannyń Jumyrtqa óndirýshiler qaýymdastyǵynyń basshysy Maksım Bojko.

Qaýymdastyqtyń málimetinshe, aýrý tek mekıen taýyqtardyń arasynda ǵana taralady. Broıler qusynyń aýrýǵa ushyraýy tirkelmegen. Demek, ónerkásiptik óndiristiń qus etin, sondaı-aq odan jasalǵan ónimderdi tutyný halyq úshin qaýip tóndirmeıdi. Budan basqa, búgingi kúni dúkenderdiń sórelerinde usynylǵan qus fabrıkalarynyń ónimderi veterınarııalyq tekserýden ótedi jáne tıisti sertıfıkat bolǵan jaǵdaıda tamaqqa qoldaný úshin múldem qaýipsiz bolyp tabylady.

«Jumyrtqa ónimderiniń qaýipsizdigine keletin bolsaq, indet jumyrtqa óndirý baǵytyndaǵy eki qus fabrıkasynda tirkeldi. Qazirgi ýaqytta osy kásiporyndardan ónimderdi jóneltý toqtatyldy. Jalpy, elimizde osyndaı 35 kásiporyn jumys isteıdi. Olardyń ónimderi qaýipsizdik pen sapaǵa tolyq tekserýden ótti», – dep atap ótti qaýymdastyqtan.

Ádette qus tumaýynyń vırýstary aýyrǵan qustan adamǵa juqpaıdy. Degenmen, keıbir joǵary patogendi shtamdar adamdarda aýyr tynys alý aýrýyn týdyrýy múmkin. Qus etin jáne odan jasalǵan ónimderdi tamaqqa qoldaný tıisti gıgıena jáne tamaq daıyndaý erejelerin saqtaǵan kezde qaýipsiz sanalady. Jaqsy qaınatylǵan nemese qýyrylǵan qus eshqandaı qaýip tóndirmeıdi.

Sońǵy jańalyqtar